Johannes 7:32 - North Frisian New Testament (Clemens)

³² En hat kam voar di Farisäers, dat di Kär Lid van höm murmelt. Diär stjürt di Farisäers en di Opperpröster Knegter üt, omdat ja höm grip skuld.

Johannes 7:32 ပူးပေါင်းရင်းမြစ်များ

Matthäus 12:14

Diär ging di Farisäers üt en rådslåget aur höm, hur-delling ja höm omt Lewent bring küd.

Matthäus 23:13

Wē ju, I skinhellig Skreftlīrten en Farisäers! I slüt dit Hemmelrik tö voar di Lid. I kom diär ek īn, en danen diär in wel, let I ek ingung.

Matthäus 26:58

Mar Petrus fölgt jam eter fan firens, hentö di Opperpröst sin Slot, en ging in, en säät höm djäl bi di Knegter, om dat hi lukke wild, hurdelling dit oflåp wild.

Johannes 11:46

Mar Sommen van jam ging hen tö di Farisäers, en said tö jam, wat Jesus dön hed.

Johannes 12:19

Diär sprok di Farisäers tö arküder: I se, dat I nöndt ütrogt, se, di hile Wârld lapt eter höm.

Johannes 18:3

Diär nü Judas di Rot /(Bande)/ tö sik noom, en di Diners van di Opperpröster en Farisäers, kam hi diärhen me Fakkeln, Logters en me Waffen.

Johannes 7:30

Diär sågt ja höm tö grippen; mar Nemmen leid di Hund ön höm, for sin Stünd wiär jit ek kjemmen.

Forhandlings 5:26

Diär ging di Hauptman me di Diners /hen/, en hålet jam, ek me Gewalt, for ja fürgt sik voar dit Volk, om dat ja ek stinigt wåd.