Johannes 6:38 - North Frisian New Testament (Clemens)

³⁸ For ik sen van Hemmel kjemmen, ek, dat ik min Wel dö, mar sin, diär mi stjürt heed.

Johannes 6:38 ပူးပေါင်းရင်းမြစ်များ

Matthäus 20:28

Alliküs di Menskenseen ek kjemmen es, dat hi sik betine let, mar dat hi betinet; jå, dat hi sin Lewent hendǟd, om Vulen loas tö måkin.

Johannes 3:13

En Nemmen fart jen Hemmel, forbütten di, welk van Hemmel diälkjemmen es; nämlik di Menskenseen, diär ön Hemmel es.

Johannes 3:17

For Gott heed sin Seen ek stjürt ön di Warld, dat hi di Wârld rogt, mar om dat di Warld döör höm selig ud.

Johannes 3:31

Di diär van bowen komt, hi es aur alle. Hokken van di Örd es, di es van Öörd, en sprakt van di Öörd. Di diär van Hemmel komt, di es bowen alle.

Johannes 4:34

Jesus said tö jam: Min Spiis es di, dat ik sin Wel död, diär mi stjürt heed, en sin Wel volbring.

Johannes 5:19

Diär swåret Jesus, en said tö jam: Forwår, forwår, ik si ju: Di Seen kjen nöndt van höm sallew dö, üs wat hi sjogt, dat di Vader dǟd. For wat hi dǟd, ditsalwige däd gelik uk di Seen.

Johannes 5:30

Ik kjen nöndt van mi sallew dö. Alliküs ik hir, sa ordile ik, en min Ordil es rogt. For ik sjuk ek min Wel, mar min Vaders Wel, diär mi stjürt heed.

Johannes 6:29

Jesus swåret en said tö jam: Dit es Gottes Werk, dat I ön höm liiw, di Hi stjürt heed.

Johannes 6:33

For dit es Gottes Broad, wat van Hemmel komt, en jewt di Wârld dit Lewent.

Johannes 6:42

En ja said: Es dös ek Jesus, Josephs Seen, huns Våder en Moder wü kään? Hur sprakt hi da: Ik sen van Hemmel kjemmen?

Johannes 6:57

Alliküs di lewendig Vader mi stjürt heed, en ik lewwe om di Våders Wel: alliksa hokken mi et, disallew wel uk lewwe om min Wel.

Römer 15:3

For Kristus hed höm sallew uk ek håget, mar alliküs er skrewwen stånt: Di Smoai van danen, diär di Smoai, es üp mi fälen.

Efeser 4:9

Mar dat hi âpfären es, wat es dit üders, üs dat hi tö voaren djälfären es ön di önderst Plåtsen van di Örd.

Hebräer 5:8

En alhurwel hi Gottes Seen wiär, hēd hi dag ön sin Liden harkin lirt.