Johannes 5:30 - North Frisian New Testament (Clemens)

³⁰ Ik kjen nöndt van mi sallew dö. Alliküs ik hir, sa ordile ik, en min Ordil es rogt. For ik sjuk ek min Wel, mar min Vaders Wel, diär mi stjürt heed.

Johannes 5:30 ပူးပေါင်းရင်းမြစ်များ

Matthäus 26:39

En hi ging en litjet voarüt, fǟl diäl üp sin Ansegt, en bödigt en sprok: Min Våder est mögelk, da let dös Kelk mi forbi gung; dag ek üs ik wel, mar sa üs-t din Wel es.

Johannes 14:10

Liiwst dü ek, dat ik ön di Våder, en di Våder ön mi es? Di Uurder, di ik tö ju rede, di rede ik ek van mi sallew. Mar di Våder, diär ön mi unet, disallew däd di Werke.

Johannes 17:4

Ik hå di forklåret üp di Öörd, en hå folbrågt dit Werk, wat dü mi iwen heest, dat ik et dö skuld.

Johannes 18:11

Da said Jesus tö Petrus: Stēk din Swǟrt ön di Skīw. Skel ik di Kelk ek drink, welk min Våder mi iwen heed?

Johannes 4:34

Jesus said tö jam: Min Spiis es di, dat ik sin Wel död, diär mi stjürt heed, en sin Wel volbring.

Johannes 5:19

Diär swåret Jesus, en said tö jam: Forwår, forwår, ik si ju: Di Seen kjen nöndt van höm sallew dö, üs wat hi sjogt, dat di Vader dǟd. For wat hi dǟd, ditsalwige däd gelik uk di Seen.

Johannes 6:38

For ik sen van Hemmel kjemmen, ek, dat ik min Wel dö, mar sin, diär mi stjürt heed.

Johannes 8:28

Diär said Jesus tö jam: Wan I di Menskenseen omhoog brågt hå, da wel I-t fornem, dat et mi es, en dat ik nöndt van mi sallew dö, mar alliküs min Vader mi lirt heed, sa spreek ik.

Johannes 8:42

Jesus said tö jam: Wiär Gott ju Våder, da wild I mi lew ha: for ik sen van Gott ütgingen, en kom van höm; for ik sen går ek van mi sallew kjemmen, mar Hi heed mi stjürt.

Johannes 8:50

Ik sjuk ek min Iär; mar diär es Jen, diär-s sjukt en beordilet.

Römer 15:3

For Kristus hed höm sallew uk ek håget, mar alliküs er skrewwen stånt: Di Smoai van danen, diär di Smoai, es üp mi fälen.

Römer 2:2

For wü wēt, dat Gottes Ordil rogt es aur danen, diär sa wat dö.

Römer 2:5

Mar dü eter din Forstoktheid en Halsstarrigheid ön din Hart, hüppest di sallew di Wredheid üp di Dai van Gottes Fortörning, en di Ipenbåring van Gottes rogtfardig Gerigt.