Johannes 4:34 - North Frisian New Testament (Clemens)

³⁴ Jesus said tö jam: Min Spiis es di, dat ik sin Wel död, diär mi stjürt heed, en sin Wel volbring.

Johannes 4:34 ပူးပေါင်းရင်းမြစ်များ

Matthäus 26:39

En hi ging en litjet voarüt, fǟl diäl üp sin Ansegt, en bödigt en sprok: Min Våder est mögelk, da let dös Kelk mi forbi gung; dag ek üs ik wel, mar sa üs-t din Wel es.

Matthäus 3:15

Mar Johannes swåret, en said tö höm: “Let et sa gud wiis, for hat komt üüs tö, foar al Rogtigheid vol tö dön. Da let hi-t höm tö.”

Matthäus 9:19

En Jesus stönd âp en fölgt höm eter, en sin Lirlings ging me.

Lukas 15:10

Alliksa, si ik ju, wel er Frügged wiis voar Gottes Engeler aur jen Senđner, diär höm bekiirt.

Lukas 19:10

For di Menskenseen es kjemmen, om dit tö sjukken en selig tö maakin, wat wild gingen wiär.

Lukas 2:49

En hi said tö jam: Hurom hå I mi saagt? Weet I ek, dat ik wiis mut ön dit, wat min Våder sin es?

Johannes 17:4

Ik hå di forklåret üp di Öörd, en hå folbrågt dit Werk, wat dü mi iwen heest, dat ik et dö skuld.

Johannes 19:28

Diärna, üs Jesus wust, dat al Alles volbrågt wiär, dat di Skreft tö folling komt, said hi: Ik sen törstig.

Johannes 19:30

Diär nü Jesus dit Ötj nommen hed, said hi: Hat es volbrågt; neget sin Haud, en skǟd of.

Johannes 4:32

Mar hi said tö jam: Ik hå en Spiis tö iten, diärvan I nöndt weet.

Johannes 5:30

Ik kjen nöndt van mi sallew dö. Alliküs ik hir, sa ordile ik, en min Ordil es rogt. For ik sjuk ek min Wel, mar min Vaders Wel, diär mi stjürt heed.

Johannes 5:36

Ik hå en gurter Tjügnis üs Johannes Tjügnis. For di Werke, welk di Vader /mi/ iwen heed, dat ik-s volbring skel, disalwige Werke, diär ik dö, tjüg van mi, dat di Våder mi stjürt heed.

Johannes 6:33

For dit es Gottes Broad, wat van Hemmel komt, en jewt di Wârld dit Lewent.

Johannes 6:38

For ik sen van Hemmel kjemmen, ek, dat ik min Wel dö, mar sin, diär mi stjürt heed.

Johannes 8:29

En diär mi stjürt heed, es me mi. Di Vader let mi ek alining; for ik dö altid, wat höm håget.

Forhandlings 20:35

Ik hå ju Alles wiset, dat em sa arbeide mut, en di Swakken âpnem, en tǟnk mut om dit Urd van di Herr Jesus, diär sallew said hēd: Iwen es seliger, üs Nemmen.

Hebräer 12:2

Let üs âplukke üp Jesus, diär di Glow begent en voljendigt hed. Alhurwel hi hed Frügged ha küd, nom hi dit Krüts üp sik me Geduld, en agtet di Skand ek, en set nü tö di rogt Hund üp Gottes Trōn.