Johannes 3:27 - North Frisian New Testament (Clemens)

²⁷ Johannes swåret, en said: En Mensk kjen nöndt nem, hat mai höm da van Hemmel iwen ud.

Johannes 3:27 ပူးပေါင်းရင်းမြစ်များ

Matthäus 21:25

Hurvan wiär di Dȫp van Johannes? Van Hemmel, of van Mensken? Diär tågt ja bi jam salw en said: “Si wü, van Hemmel, da wel hi tö üs si: Hurom hå I höm da ek līwt?

Matthäus 25:15

En jen död hi fiif Centner, di Üder tau, di trǟd jen, ark na sin Gawen, en dådelsk reiset hi weg.

Markus 13:34

Alliküs en Mensk, diär ön Bütlönd reiset, en forlet sin Hüs, en jåw sin Knegter Magt, en ark sin Werk, en gebod di Dürwagter, dat hi wåke skuld.

Johannes 10:41

En Vulen kâm tö höm, en said: Johannes död wel niin Teken; mar Alles, wat Johannes van dös said heed, dit es wår.

Johannes 6:65

En hi said: Diärom ha ik tö ju said: Nemmen kjen tö mi kom, hat es höm da van min Vader iwen uden.

Römer 1:5

Dör hom hå wü Gnade en Apostelamt fingen, om mung alle Heiden dit Harkin üt di Glōw om sin wel âptörogten.

Römer 12:6

En hå forskellige Gåwen eter di Gnåd, diär üs iwen es.

1 Korinther 1:1

Paulus, beröpen tö Apostel van Jesus Kristus, dör Gottes Wel, en Brödher Sosthenes.

1 Korinther 12:11

Mar al dit wirket disallew jen Geist, en dilet Ark sin tö, üs hi wel.

1 Korinther 15:10

Mar van Gottes Gnad sen ik, wat ik sen, en sin Gnad ön mi es ek foriws wessen; mar ik hå vul moar arbed, üs di Üdern al; dag ek ik, mar Gottes Gnad, diär ön mi es.

1 Korinther 3:5

Hokken es nü Paulus? Hokken es Apollo? Diner sen ja, dör welk I tö di Glow kjemmen sen, en dit, alliküs di Herr dit ark iwen hēd.

1 Korinther 4:7

For hokken hed di voartein? en wat hest dü, wat du ek fingen hest? Mar wan dü dit dag fingen hest, wat römest dü di da, alliküs dü dit ek fingen hedst.

Galalater 1:1

Paulus, en Apostel, ek van Mensken, uk ek dör Mensken, mar dör Jesus Kristus, en Gott di Vader, diär höm van Doaden apwäkt hēd.

Efeser 1:1

Paulus, en Apostel van Jesus Kristus, dör Gottes Wel, ön di Helligen, en Glowigen.

1 Timotheus 2:7

Diärtö sen ik stelt tö en Pröst en Apostel (ik si di Warheid ön Kristus, en lög ek) en Liärer bi di Heiden, ön di Glow en ön di Wårheid.

Jakobus 1:17

Alle gud Gåwen, en alle voarskel Gåwen kom van bowen djäl, van di Våder ön-t Lägt, bi höm es nin Forandering, nog Weksel van Lägt en Junkens.