Johannes 16:17 - North Frisian New Testament (Clemens)

¹⁷ Diär sprok Sommen van sin Lirlings tö arküder: Wat es dit, dat hi said tö üs: Om en kurt Tid, da skel I mi ek se, en weder om en kurt Tid, da skel I mi se, en dat ik tö di Våder gung?

Johannes 16:17 ပူးပေါင်းရင်းမြစ်များ

Markus 9:10

En ja höld dit Uurd bi jam salw, en fråget arküder diärom: Wat es dag dit Apstunen van Doaden?

Markus 9:32

Mar ja fornoom dit Uurd ek, en ja wiär bang, om höm tö fragin.

Lukas 18:34

Mar ja fornoom nöndt diärvan, en di Rede wiär jam forborgen, en ja wust ek, wat dit tö bedüdin hed.

Lukas 9:45

Mar ja forstönđ dit Uurd ek, en hat wiär jam forborgen, dat ja dit ek begrip küd; en ja wiär bang, höm om ditsalw Uurd tö frågin.

Johannes 12:16

Mar dit forstönd sin Lirlings tövoaren ek; mar diär hi forherlikt wåd, da tågt ja diärom, dat er sok van höm skrewwen wiär, en dat ja sok höm dön hed.

Johannes 14:22

Judas, ek di Iskariot, said tö höm: Herr! wat es dit, dat dü disallew ǖs ipenbare wedt, en ek voar di Wârld?

Johannes 14:5

Thomas said tö höm: Herr! wü weet ek, hur dü hengeist; en hur kjen wü di Wei weet?

Johannes 16:1

Dit ha ik tö ju spreken, omdat I ju ek argere skuld.

Johannes 16:16

Om en kūrt Tid, da skel I mi ek se; en weder om en kurt Tid, da skel I mi se; for ik gung hen tö di Våder.

Johannes 16:18

Da said ja: Wat es dit, dat hi said, om en kurt Tid? Wü weet ek, wat hi said.

Johannes 16:19

Diär markt Jesus, dat ja hö fråge wild, en sprok tö jam: Diärom frage I ju önder arküder, dat ik said hå: Om en kurt Tid, da skel I mi ek sé, en weder om en kūrt Tid, da skel I mi sé?

Johannes 16:5

Mar nü gung ik hen tö di, diär mi stjürt heed; en Nemmen van ju fråget mi: Hur geist dü hen?