Johannes 15:4 - North Frisian New Testament (Clemens)

⁴ Blīw ön mi, en ik ön ju. Alliküs di Twig van höm sallew niin Frügt bring kjen, hi mai da bi di Winstok blīw, alliksa kjen I dit uk ek, wan I ek ön mi blīw.

Johannes 15:4 ပူးပေါင်းရင်းမြစ်များ

Matthäus 12:33

Öntweder säät en gud Boom, da ud di Frügt gud, of säät en önstat Boom, da es di frügt nöndt sågs. For ön di Frügt käänt em di Boom.

Lukas 8:15

Dit üpt gud Lönđ sen dânen, diär dit Uurd hiir, en bewaare ön en fiin gud Hart, en bring Frügt ön Geduld.

Johannes 14:20

Üp disallew Dai skel I iinse, dat ik ön min Vader sen, en I ön mi, en ik ön ju.

Johannes 17:23

Ik ön jam, en dü ön mi, omdat ja volkommen sen ön jen, en di Wârld weet, dat dü mi stjürt heest, en jam lew heest, alliküs dü mi lew heest.

Johannes 6:56

Hokken min Fleesk et, en min Blöd drinkt, di blewt ön mi, en ik ön höm.

Johannes 8:31

Diär said Jesus tö di Juden, welk ön höm liiwt: Wan I ön min Uurd blīw, dan sen I wårelk min Lirlings.

Forhandlings 11:23

Üs hi diär henkjemmen wiär, en såg Gottes Gnad, wåd hi blid, en formånet jam al, dat ja jam-t ön jår Hart fast voarnem skuld, bi di Herr tö bliwen.

Forhandlings 14:22

En bestärkt di Jünger jår Selen, en muntert jam âp, dat ja ön di Glōw bliw skuld, en dat wü dör vul Bedrük ingung mut ön Gottes Rik.

2 Korinther 13:5

Forsjuk ju sallew, of I ön di Glow sen, prowe ju sallew. Of kän I ju sallew ek, dat Jesus Kristus ön ju es? Hat mai da wis, dat I üntügtig sen.

Galalater 2:20

Ik lewwe, mar nü dag ik ek, mar Kristus lewwet ön mi. For wat ik nü lewwe ön-t Flesk, dit lewwe ik ön di Glow ön Gottes Seen, diär mi lew hed, en sik sallew foar mi heniwen hēd.

Efeser 3:17

Omdat Kristus dör di Glow ön ju Hart unet, en I dör di Lewde inwortelt en fast gründigt ud.

Filipper 1:11

Volap me Frügten van Geregtigheid, welk dör Jesus Kristus sken sen ön ju tö Gottes Iär en Low.

Kolosser 1:23

Wan I ön di Glow bliwt, fast ön di Gründ, en pal ön di Höp van-t Evangilje, wat I hjert hå, wat tö alle Kreaturen prötjet uden es, diär önder di Hemmel sen, bi welk ik Paulus en Diner uden sen.

Kolosser 1:27

Welk Gott bekänt måke wild, wat di herrelk Rikdom van di Hjemmelkheid mung di Heiden es, welk Kristus ön ju es, en hi es di Höpning van di Herligheid.

Kolosser 2:6

Alliküs I nü di Herr Kristus Jesus önnommen hå, sa wandele ön höm.

1 Thessaloniker 3:5

Diärom ha ik dit uk ek länger üthoald küd, en ha höm stjürt, omdat ik tö weten fing, hur-t me ju Glow stånt; of dat di Forsjukker ju meskin forsagt hēd, en üs Årbed foriws wiär.

Hebräer 10:39

Mar wü sen ek van danen, welk wik en fordammet ud, mar van danen, welk liw en di Seel reddige.

1 Johannes 2:6

Hokken said, dat hi ön höm blewt, di skel uk wandele, alliküs hi uk wandelt hed.

2 Johannes 1:9

Hokken aurskred, en blewt ek ön di Lir van Kristus, di hed nin Gott. Hokken ön di Lir van Kristus blewt, di hed bid di Våder en di Seen.