Johannes 1:18 - North Frisian New Testament (Clemens)

¹⁸ Nemmen heed Gott jens sen; di iningst geboren Seen, welk ön di Våders Skoat es, di heed-t ǖs forklåret.

Johannes 1:18 ပူးပေါင်းရင်းမြစ်များ

Matthäus 11:27

Alle Dinge sen mi aurdön van min Våder. En Nemmen käänt di Seen, üs alining di Våder, en Nemmen käänt di Våder, üs alining di Seen, en hokken di Seen et öntdekke wel.

Lukas 10:22

Hat es mi Alles aurdön van min Våder. En Nemmen weet, hokken di Seen es, üs alining di Våder; nog hokken di Våder es, üs alining di Seen, en hokken di Seen dit wel ipenbåre.

Johannes 1:14

En dit Uurd wåd Fleesk, en unet mung ǖs, en wü såg sin Herligheid, en Herligheid üs di iningst tökjemmen Seen van di Vader, vol Gnåd en Wårheid.

Johannes 12:41

Dit said Jesaias, üs hi sin Herligheid såg, en van höm sprok.

Johannes 13:23

En diär wiär jen mung sin Lirlings, diär tö Stål seet, en sik lennet ön Jesus sin Brest, welk hi lew hed.

Johannes 14:9

Jesus said tö höm: Sa lung sen ik bi ju, en dü käänst mi ek? Filippus, hokken mi sjogt, di sjogt di Vader. Hü sprakst dü da: Wise üs di Vader?

Johannes 17:26

En ik ha jam din Noom forkindigt, en wel-t jam forkindige, omdat di Leewde, hurme dü /mi/ lew heest, ön jam es, en ik ön jam.

Johannes 17:6

Ik hå din Noom ipenbåret voar di Mensken, welk dü mi van di Warld iwen heest, en ja hå din Uurd hölden.

Johannes 3:11

Forwår, forwår, ik si di: Wü spreek, wat wü weet, en tjüg, wat wü sen ha, en I nem üs Tjügnis ek ön.

Johannes 6:46

Ek dat er hokken di Våder sen heed, voarbütten di, diär van di Våder es, hi heed di Vader sen.

2 Korinther 4:4

Mar di Ünglowigen, huns Forstand di Warlds-Gott forblänt hēd, se dit klar Lägt van dit Evangilje ek, ja se ek di Klårheid van Kristus, diär Gottes Bild es.

Kolosser 1:15

Welk dit Iwenbild van di ünsigtbår Gott es, di Jestgeboren van alle Kreaturen.

1 Timotheus 1:17

Mar Gott, di ewig Könning, di Ünforgängelk, en Ünsigtbår, en alining Wissen, wis Iar en Pris ön Ewigheid. Amen.

1 Timotheus 6:16

Diär alining Ünsterwlikheid hed, diär unet ön en Lägt, hurtö Nemmen kom kjen, welk nin Mensk sen hed, nog se kjen; höm skel Iär en dit Rik ön Ewigheid wis. Amen.

1 Johannes 4:12

Nemmen hed Gott bi sin Tid jens sen. Wan wü arküder lew hå, da blewt Gott ön üs, en sin Lewde es volâp ön üs.

1 Johannes 4:20

Wan er hokken said: Ik hå Gott lew, en håtet sin Brödher, di es en Lögner. For hokken sin Brödher ek lew hēd, diär hi sjogt, hur kjen hi Gott lew ha, diär hi ek sjogt?

1 Johannes 4:9

Diärön hed Gottes Lewde tögen üs sik ipenbaret, dat Gott sin iningst geboren Seen stjürt hed ön di Warld, om dat wü dör höm lewwe skel.

1 Johannes 5:20

Mar wü wēt, dat Gottes Seen kjemmen es, en hēd üs en Sen iwen, dat wü di Wårhaftig kän, en sen ön di Wårhaftig, ön sin Seen Jesus Kristus. Dös es di wårhaftig Gott, en dit ewig Lewent.