Jakobus 1:17 - North Frisian New Testament (Clemens)

¹⁷ Alle gud Gåwen, en alle voarskel Gåwen kom van bowen djäl, van di Våder ön-t Lägt, bi höm es nin Forandering, nog Weksel van Lägt en Junkens.

Jakobus 1:17 ပူးပေါင်းရင်းမြစ်များ

Matthäus 7:11

Wan I nü, diär I ârig sen, dag ju Biärner Gud tö dön weet; om hur vuul moar wel ju Våder ön Hemmel danen Gud iiw, diär höm diärom bed!

Lukas 11:13

Wan I da, diär I ârig sen, ju Jungen gud Gaawen iiw kjen, hü vuul moar wel di Våder ön Hemmel di hellig Geist dânen iiw, diär höm bed.

Johannes 1:9

Hi wiär dit wårhaftige Läägt, wat alle Mensken läägt måket, welk tö Warld kom.

Johannes 3:27

Johannes swåret, en said: En Mensk kjen nöndt nem, hat mai höm da van Hemmel iwen ud.

Johannes 3:3

Jesus swåret en sprok tö höm: Wårelk, wårelk, ik si di: Hat mai da wiis, dat er hokken van Ni geboren ud, üders kjen hi Gottes Hemmelrik ek se.

Johannes 8:12

Diär sprok Jesus weder tö jam, en said: Ik sen dit Läägt foar di Warld; hokken mi eterfölligt, di skel ek ön Junkheid wandele, mar hi wel dit Lewents Läägt hå.

Forhandlings 11:18

Üs ja dit hjert, swügget ja stel, en lowet Gott en said: Sa hēd Gott uk di Heiden Bōt (Bekiring) iwen, om tö lewwin.

Forhandlings 5:31

Dös hēd Gott dör sin rogt Hund âphoget tö en Först en Seligmåker, om Israel Bekiring en Foriwing van Send tö iwen.

Römer 6:23

For di Doad es di Loan foar di Send; mar Gottes Gåw es dit ewig Lewent, ön üs Herr Jesus Kristus.

1 Korinther 4:7

For hokken hed di voartein? en wat hest dü, wat du ek fingen hest? Mar wan dü dit dag fingen hest, wat römest dü di da, alliküs dü dit ek fingen hedst.

2 Korinther 4:6

For Gott, diär said, dat dat dit Lägt üt di Junkheid skin skuld, hēd en lägt Skin ön ju Harten iwen, omdat dör üs dit Lägtens van di Känels öntstönd, nämelk van Gottes Herrelkheid ön Jesus Kristus.

Efeser 1:18

Nämelk lägt Ogen bi ju Forstand, dat I wēt mai, wat di Höp es, hurtö hi ju röpen hēd, en welk di Rikdom es van sin herrelk Arfdil mung di Helligen.

Efeser 2:8

For üt Gnaden sen I selig uden, dör di Glow, en dit ek van ju, hat es Gottes Gåw.

Filipper 1:29

For hat es ju om Kristus wel iwen, dat I ek allining ön höm liw, mar uk foar höm lid.

1 Timotheus 6:16

Diär alining Ünsterwlikheid hed, diär unet ön en Lägt, hurtö Nemmen kom kjen, welk nin Mensk sen hed, nog se kjen; höm skel Iär en dit Rik ön Ewigheid wis. Amen.

Hebräer 13:8

Jesus Kristus, juster en delling, en disallew uk ön Ewigheid.

Jakobus 1:5

Mar wan er hokken mung ju Wisheid wånt, di bed van Gott, diär mild arkjen jewt, en forwit höm nöndt; da skelt höm iwen ud.

Jakobus 3:15

For dit es ek di Wisheid, diär van bowen djäl komt, mar weltlik, menskelk, en düwelsk.

Jakobus 3:17

Mar di Wisheid, diär van bowen djälkomt, es foartjest rin, diäreter fredsom, mild, let sik si, vol Barmhartigheid en gud Frügt, ünpartisk, sönder Falskheid.

1 Johannes 1:5

En dit es di Forkindjiging, welk wü van höm hjert hå, en ju forkindjige, dat Gott en Lägt es, en ön höm es nin Junkens.

1 Johannes 4:10

Diärön bestånt di Lewde: ek, dat wü Gott lew hed; mar, dat Gott üs lew hed, en sin Seen stjürt hēd tö en Forsöning foar üs Send.

Ipenbaring 21:23

En di Stad hed nogweder Sen of Mun nödig, om diärön tö skinen; for Gottes Herrelkheid måkets lägt, en hör Lägt es dit Lum.

Ipenbaring 22:5

En diär skel nin Nagt wis, en ja skel nin Stoklägt of dit Lägt van di Sen nödig hå, for üs Herr Gott måket et lägt foar jam, en ja skel üs Könninger herske van Ewigheid tö Ewigheid.