Ipenbaring 6:4 - North Frisian New Testament (Clemens)

⁴ En diär ging en üder Hingst üt, wat road wiär, en hom, welk diärüp sēt, wåd di Magt iwen, di Fred van di Örd tö nemmen, en dat ja arküder doad slå skuld; en höm wad en gurt Swärt iwen.

Ipenbaring 6:4 ပူးပေါင်းရင်းမြစ်များ

Matthäus 10:34

I mut ek miin, dat ek kjemmen sen, om Fred tö skaffin üp Warld. Ik sen ek kjemmen, om Freed tö skaffin, mar Krig en Oarlef.

Matthäus 24:6

Uk skel I van Krig en Oarlef en Krigsgerügten tö hiren fo; mar sé ju wel voar en ūd man ek forfīrt; for Alles dit mut gebör; dag est jit ek tö Jenđ.

Johannes 19:11

Jesus swåret: Dü hedst niin Magt aur mi, wan-s di ek van bowen iwen uden wiär; diärom heed di gurter Send, welk mi ön di aurlöwert heed.

Ipenbaring 12:3

En diär kâm ön Hemmel jit en üder Teken ön Sjün, en se, en gurt road Drak, di hed sowen Hauder en tin Hurner, en üp sin Hauder sowen Kronen.

Ipenbaring 13:10

Wan er hokken üdern ön di Gefangenskep fört, di skel ön di Gefangenskep gung; wan er hokken me dit Swärt doad slaid, di skel me dit Swärt doadslain ud. Hjir es di Helligen jar Geduld en Glow.

Ipenbaring 17:3

En hi brågt mi ön di Geist weg ön di Wösteni. Diär sag ik di Wüf setten üp en skarlåken road Bēst, dit wiär vol van Nomer me Gottes Lästering, en hed sowen Hauder en tin Hurner.

Ipenbaring 17:6

En ik såg di Wüf drunken van di Helligen jår Blöd, en van dit Blöd van Jesus sin Tjügen. En ik forwundert mi vul, üs ik hör såg.