Ipenbaring 6:12 - North Frisian New Testament (Clemens)

¹² En ik såg, dat et dit sogst Segel brok, en se, diär kam en gurt Ördsjilwin, en di Sen wåd surt üs en hiren Sak, en di Mun wad üs Blöd.

Ipenbaring 6:12 ပူးပေါင်းရင်းမြစ်များ

Matthäus 11:21

Wē di Chorazin! Wē di Bethsaida, wiär er sok Wunderwerken ön Tyrus en Sidon sken, üs- er bi ju sken sen, ja hed al lung ön Sak en Esken jam bekirt.

Matthäus 24:29

Mar dådelsk eter di Bedrük ön di Dågen skel Sen en Mūn jår Skin forlēs, en di Stjären skel van Hemmel fål, en di Hemmelskraft wel sik bewege.

Matthäus 24:7

For dit jen Volk wel âpstūn tögen dit Üder; en dit jen Rik tögen dit üder; diär wel Pest en (Hungersnoad) jür Tid, en Ördsjilwen hen en weder kom.

Matthäus 27:45

En van di Klok sogs of ön, kam-er en Junkens aur dit hile Lönd, hen tö di Klok nigen.

Matthäus 27:54

Mar di Haudman en dânen, diär bi höm wiär, om bi Jesus Wagt tö hoâlden, diär ja dit Öördsjilwin såg, en wat diär gebört, forskrok ja gewaltig, en said: “Di Man es wårhaftig Gottes Seen!”

Matthäus 28:2

En lukke hjir! em spört en stark Ördsjilwin. For üs Herr Gott sin Engel kâm diäl van Hemmel, kam hjårt, en wiäldert di Stin van di Dür, en sǟt sik diärüp.

Markus 15:33

En diär di Klok aur sogs wiär, wåd-t en Junkens aur dit hile Lönd tö hen om en Klok nigen.

Ipenbaring 11:13

En ön disallew Stünd wåd en gurt Ördsjilwin, en di tinst Dil van di Stad fäl, en diär wåd ön di Ördsjilwin sowen düsend Man van di Mensken doadslain; en di üdern wad forfirt, en jaw Gott ön Hemmel di Iär.

Ipenbaring 16:18

En diär fölligt Stemmen, Leidslaggen, en Tönderslaggen; en sa en skrekkelk Ördsjilwin, üs er jit nin wessen hed, sönt dat er Mensken üp di Ord wessen ha, sa gurt wiär dit Ördsjilwin.

Ipenbaring 16:8

En di vjart Engel goat sin Bekker üt ön di Sen. En höm wåd di Magt iwen, di Mensken me Lög tö brennen.

Ipenbaring 8:12

En di vjart Engel posaunet. En di träd Dil van di Sen, en di träd Dil van di Mun, en dit träd Dil van di Stiären wåd slain, dat di träd Dil diärvan ön Junkens kam, en di träd Dil van di Dai forlos sin Skin, en di Nagt allika.

Ipenbaring 8:5

En di Engel nom dit Rükkelsfat, en måket et vol Jöld van di Alter, en skoddet et üp di Örd. En diär kam Stemmen, en Tönderslaggen, en Leid, en Ördsjilwin.