Ipenbaring 5:12 - North Frisian New Testament (Clemens)

¹² En sprok me gurtem Stem: Dit Lum, wat slagtet es, es wördig om tö nemmen Kraft, en Rikdom, en Wisheid, en Starkheid, en Iär, en Pris, en Low.

Ipenbaring 5:12 ပူးပေါင်းရင်းမြစ်များ

Matthäus 28:18

Jesus kam nü naier, sprok tö jam en said: “Mi es alle Gewalt ön Hemmel en üp Örd aurdön.

Johannes 1:29

Üp di Üder Dai såg Johannes, dat Jesus tö höm kâm, en sprok: Se, dit es Gottes Lum, welk di Warlds Send drait.

Johannes 17:2

Alliküs dü höm Magt iwen heest aur al dit Fleesk, omdat hi dit ewig Lewent al danen jewt, diär dü höm iwen heest.

2 Korinther 8:9

For I wēt, di Gnåd van üs Herr Jesus Kristus, dat, alhurwel hi rik wiär, da wåd hi dag ârem om ju wel, omdat I dör sin Armud rik ud skuld.

1 Timotheus 1:17

Mar Gott, di ewig Könning, di Ünforgängelk, en Ünsigtbår, en alining Wissen, wis Iar en Pris ön Ewigheid. Amen.

Ipenbaring 1:6

En hēd üs tö Könninger en Pröster måket voar Gott en sin Våder; höm wis Iär en Gewalt van Ewigheid tö Ewigheid. Amen.

Ipenbaring 13:8

En al dânen, welk üp di Örd une, bödigt et ön, huns Nomer ek önskrewwen sen ön dit Lewents-Bok van dit Lum, wat slagtet es, van Warlds Begen of ön.

Ipenbaring 15:3

En song dit Lēt van Moses, Gottes Knegt, en di Salm van dit Lum, en sprok: Gurt en wunderbar sen din Werken, Herr! almagtig Gott, rogtfârdig en wårhaftig sen din Weien, dü Könning aur di Helligen.

Ipenbaring 19:1

En eter dössen hjert ik en gurtem Stem van en gurt Kär ön Hemmel, di sprok: Halleluja! Seligheid en Pris, en Iär, en Kraft wis üs Herr Gott.

Ipenbaring 4:11

Herr! dü best et wert tö nemmen Pris en Iär, en Kraft, for dü hest alle Dinge skåpen, en dör din Wel wåd ja, en sen skåpen.

Ipenbaring 5:13

En alle Skåpning, welk ön Hemmel es, en üp di Örd, en onder di Örd, en ön di See, en Alles, wat diärön es, hjert ik sien tö di, diär üp di Tron set, en tö dit Lum: Low, en Iär, en Pris, en Gewalt van Ewigheid tö Ewigheid!

Ipenbaring 5:6

En ik sag, en lukke ön di medden van di Tron en di vjur Dirten, en ön di medden van di Olderlid stond en Lum, alliküs-t slagtet wiär, en hed sowen Hurner, en sowen Ogen, welk Gottes sowen Geister sen en ütstjürt ön alle Lönden.

Ipenbaring 5:8

En diär-t dit Bok nommen hed, da fäl di vjur Dirten en di vjur en twundig Olderlid voar dit Lum djäl, en Ark hed sin Harp, en gold Kogsen vol Rōkwerk, wat di Bödiger van di Helligen sen.

Ipenbaring 5:9

En ja song en ni Salm, en sprok: Dü best wördig dit Bok tö nemmen, en sin Segeler tö forbreken, for dü best slagtet uden, en hēst üs tö Gott kopet me din Blöd, üt alle Stammen, en Moalen, en Volken, en Heiden.

Ipenbaring 6:1

En ik såg, dat dit Lum jen van di Segeler ipen måket; en ik hjert, dat jen van di vjur Dirten said, üs me en Tönder=Stem: Kom, en se!

Ipenbaring 7:12

En sprok: Amen! Low, en Iär, en Wisheid, en Dank, en Pris, en Kraft, /en Stärkte/ wis üs Gott, van Ewigheid tö Ewigheid! Amen.