Ipenbaring 4:8 - North Frisian New Testament (Clemens)

⁸ En ark van de vjur Dirten hed sogs Jükken rundom, en wiär van bennen vol Ogen, en hed nin Ru Nagt en Dai, en sprok: Hellig, hellig, hellig es Gott, di Herr, di Almagtig, diär wiär, en diär es, en diär komt.

Ipenbaring 4:8 ပူးပေါင်းရင်းမြစ်များ

Forhandlings 20:31

Diärom wis wakker, en tänk diärom, dat ik ek âphölden ha tri Jår, Nagt en Dai, Arkjen me Toaren tö formånin.

2 Korinther 6:18

En ju Vader wis, en I skel min Seens en min Dagters wis, said di almagtig Herr.

1 Thessaloniker 2:9

I tänk, lew Brödhern! nog om üs Årbed en Meit; for Nagt en Dai årbed wü, dat wü Nemmen van ju lastig fål wild, en prötjet voar ju dit Evangilje.

1 Timotheus 4:16

Iw agt üp di sallew, en üp di Lir; hoald ön diärme. For wan dü dit dädst, wedt dü di sallew selig måke, en danen, welk di hir.

2 Timotheus 4:2

Prötje dit Urd, hoald ön, hat mai da wis tö rogter Tid, of tö Üntid, wise törogt, trüwwe, formåne me al Geduld en Lir.

Hebräer 13:8

Jesus Kristus, juster en delling, en disallew uk ön Ewigheid.

Ipenbaring 1:4

Johannes ön di sowen Geminten ön Asien: Gnade wis me ju, en Fred van di, diär es, en diär wiär, en diär komt, en van di sowen Geister diär voar sin Trōn sen.

Ipenbaring 1:8

Ik sen Alfa en Omega, di Begen en di Jend, sprakt di Herr, diär es, diär wiär, en di diär komt, di Almagtig.

Ipenbaring 11:17

En sprok: Wü danke di, Herr! almagtig Gott, diär dü best, diär dü wiärst, en ön di tökommen Tid best, dat dü din gurt Kraft önnommen hēst, en üs Könning herskest.

Ipenbaring 14:11

En di Rok van jår Piniging skel âpgung van Ewigheid tö Ewigheid; en ja ha nin Ru, nogweder Nagt of Dai, welk dit Bēst önbödigt ha, en sin Bild, en wan er hokken dit Markteken van sin Nom önnommen hed.

Ipenbaring 14:3

En ja song en ni Salm, voar di Tron, en voar di vjur Dirten en di Olderlid; en Nemmen küd di Song, voarbütten di höndert en vjur en vjärdig düsend, diär kopet sen van di Örd.

Ipenbaring 15:3

En song dit Lēt van Moses, Gottes Knegt, en di Salm van dit Lum, en sprok: Gurt en wunderbar sen din Werken, Herr! almagtig Gott, rogtfârdig en wårhaftig sen din Weien, dü Könning aur di Helligen.

Ipenbaring 15:7

En jen van di vjur Dirten jåw di sowen Engeler sowen gold Bekken, vol van Gottes Fortörning, diär lewwet ön al Ewigheid.

Ipenbaring 16:14

Hat sen Geister van di Düwel, ja död Teken, en gung üt tö di Könninger üp di Örd, en üp di hile Warld, om jam tö en gurt Slagt tö forsåmelin, üp di almagtig Gott sin gurt Dai.

Ipenbaring 16:7

En ik hjert en üder Engel van di Rōkålter sien: Ja, Herr, almagtig Gott, din Gerigt es wårhaftig en rogtfardig.

Ipenbaring 19:15

En üt sin Müd ging en skârp Swärt, om di Heiden diärme tö slaen, en hi wel jam regire me en irsen Rod. En di trat di Winpärsküp me di Win van di almagtig Gott sin Törn en Grim.

Ipenbaring 19:4

En di vjur en twundig Olderlid, en di vjur Dirten fal djäl, en bödigt Gott ön, diär üp di Tron set, en sprok: Amen, Halleluja!

Ipenbaring 21:22

En ik såg nin Tempel diärön, for di Herr, di almagtig Gott, es jår Tempel, en dit Lum.

Ipenbaring 3:7

En ön di Engel bi dit Geminte ön Filadelfia skriw: Dit said di Hellig, di Wårhaftig, diär Davids Kai hed; diär ipen måket; en Nemmen slüt tö; en hi slüt tö, en Nemmen lukt ipen.

Ipenbaring 4:4

En om di Tron wiär vjur en twundig Stöler; en üp di Stöler set vjur en twundig Olderlid me wit Kloader bekloadet, en hed üp jår Hauder gold Kronen.

Ipenbaring 4:6

En voar di Tron wiär en gläsen See, alliküs Kristal; en medden ön di Tron vjur Dirten, vol Ogen, van voaren en van agteren.

Ipenbaring 4:9

En üs di Dirten Pris en Iär, en Dank höm jaw, diär üp di Tron sēt, diär lewwet van Ewigheid tö Ewigheid.

Ipenbaring 5:6

En ik sag, en lukke ön di medden van di Tron en di vjur Dirten, en ön di medden van di Olderlid stond en Lum, alliküs-t slagtet wiär, en hed sowen Hurner, en sowen Ogen, welk Gottes sowen Geister sen en ütstjürt ön alle Lönden.

Ipenbaring 6:1

En ik såg, dat dit Lum jen van di Segeler ipen måket; en ik hjert, dat jen van di vjur Dirten said, üs me en Tönder=Stem: Kom, en se!

Ipenbaring 6:6

En ik hjert en Stem medden mung di vjur Dirten sien. Jen Måt Weten foar jen Panning, en tri Måt Berre foar jen Panning; en dit Öli en Win skedt dü ek beskådige.

Ipenbaring 7:11

En alle Engeler stond rundom di Tron, en om di Olderlid, en om di vjur Dirten, en fäl djäl voar di Tron üp jar Ansegt, en bödigt Gott ön.

Ipenbaring 7:15

Diärom sen ik ja voar Gottes Tron, en tine höm Nagt en Dai ön sin Tempel. En di, diär üp di Tron set, wel sin Skar aur jam ütbrede.