Ipenbaring 3:14 - North Frisian New Testament (Clemens)

¹⁴ En ön di Engel bi dit Geminte ön Laodicea skriw: Sa sprakt di, welk Amen es, di tru en wårhaftig Tjüg, di Begen van Gottes Skåbning.

Ipenbaring 3:14 ပူးပေါင်းရင်းမြစ်များ

Johannes 1:3

Alle Dinge sen döör ditsallew måket uden; en sönder ditsallew es er niin Ding måket, wat måket es.

Johannes 8:14

Jesus swåret, en said tö jam: Wan ik van mi sallew tjüg wild, da es min Tjügnis wår, for ik weet, hurvan ik kjemmen sen, en hur ik hengung; mar I weet ek, hurvan ik kom, en hur ik hengung.

2 Korinther 1:20

For alle Tölöwings van Gott sen Jå ön höm, en Amen ön höm, tö Gottes Iär dör üs.

Kolosser 1:15

Welk dit Iwenbild van di ünsigtbår Gott es, di Jestgeboren van alle Kreaturen.

Kolosser 1:18

En hi es dit Haupt (Haud) van di Likhäm, nämelk dit Geminte, welk di Begen es en di Jestgeboren van di Doaden, om dat hi ön alle Dinge di jest Rang hå skuld.

Kolosser 2:1

For ik wel, dat I wēt skel, watfoar en Kamp ik hå om ju, en om dânen ön Laodicea, en alle, diär min Ansegt ön-t Flesk ek sen hå.

Kolosser 4:16

En wan dit Bref bi ju voarlesen es, da måket sa, dat et uk foar dit Geminte ön Laodicea voarlesen ud, en dat I uk dit les, wat üt Laodicea skrewwen es.

Ipenbaring 1:11

Di sprok: Ik sen dit A en dit O, di Jest en di Lēst. En wat dü sjogst, dit skriw ön en Bok, en stjür dit ön di Geminten ön Asien, tö Efesus, en tö Smyrna, en tö Pergamus, en tö Thyatira, en tö Sardis, en tö Filadelfia, en Laodicea.

Ipenbaring 1:5

En van Jesus Kristus, di tru Tjüg en Jestgeboren van di Doaden, en Opperst aur di Könninger üp di Örd, diär üs lew hēd, en tauet hed van di Send me sin Blöd.

Ipenbaring 19:11

En ik såg di Hemmel ipenmåket, en se hjir, en wit Hingst, en di, welk diärüp set, hjit tru en wårhaftig, hi ordilet, en fört Krig me Geregtigheid.

Ipenbaring 2:1

En /ön/ di Engel van dit Geminte ön Efesus skriw: Dit said hi, diär di sowen Stiärner ön sin rogt Hund halt, diär wandelt ön di medden van di sowen gold Lägtstanders.

Ipenbaring 21:6

En hi said tö mi: Hat es sken. Ik sen Alfa en Omega, di Begen en di Jend. Ik wel di Törstigen üt di Soad me Weter tö dit Lewent omsonst iw.

Ipenbaring 22:13

Ik sen Alfa en Omega, Begen en Jend, di Jest en di Lest.

Ipenbaring 22:6

En hi said tö mi: Dös Urder sen wes en wårhaftig. En di Herr Gott der Helligen en Profeten hed sin Engel stjürt, om sin Tinstknegter tö fortonin, wat ön en Hast ske mut.

Ipenbaring 3:7

En ön di Engel bi dit Geminte ön Filadelfia skriw: Dit said di Hellig, di Wårhaftig, diär Davids Kai hed; diär ipen måket; en Nemmen slüt tö; en hi slüt tö, en Nemmen lukt ipen.