Ipenbaring 3:1 - North Frisian New Testament (Clemens)

¹ En ön di Engel bi dit Geminte ön Sardis skriw: Sa sprakt di, diär di sowen Geister Gottes hed en di sowen Stiären: Ik wēt din Werken, for dü hēst di Nom, dat dü lewwest, en best doad.

Ipenbaring 3:1 ပူးပေါင်းရင်းမြစ်များ

Lukas 15:24

For dös min Seen wiär doad, en es weder lewendig uden; hi wiär forlesen, en es weder fünđnen uden. En ja begent, früggelk tö wisen.

Lukas 15:32

Mar dü skudt blid en gud tö Mud wiis: for dös din Brödher wiär doad, en es weder lewendig uden; hi wiär forlesen, en es weder fünđnen uden.

Johannes 1:16

En van sin Volheid hå wü al nommen Gnåd om Gnåd.

Johannes 1:33

En ik küd höm ek, mar di diär mi stjürt heed, om me Weter tö döpin, disallew sprok tö mi: Üp welk dü Gottes Geist diäldålin Sjogst, en üp höm bliwen; disalwige es dit, diär me hellig Geist döpet.

Johannes 20:22

En diär hi dit said, blōg hi jam ön, en said tö jam: Nem ön di hellig Geist.

Johannes 3:34

For di diär van Gott stjürt es, di sprakt Gottes Uurd; for Gott jewt di Geist ek me di Måt.

Forhandlings 2:33

Hi es nü dör Gotts rogt Hund âphoget uden, en hēd di Belöwing tö di hellig Geist van di Våder fingen, en hi hēd en ütgöten, üs I nü se en hir.

Efeser 2:1

En uk ju, üs I doad wiär dör Mesdåden en Send.

Efeser 2:5

Üs wü doad wiär ön di Send, hed hi üs samt Kristus lewendig måket, for üt Gnaden sen I selig uden.

Kolosser 2:13

En hed ju uk me höm lewendig måket, üs I doad wiär on ju Send, en ön di Voarhid van ju Flesk, en hi hēd üs alle Send foriwen.

1 Timotheus 5:6

Mar welk ön Wellest lewwet, di es lewendig doad.

Jakobus 2:26

For alliksa üs di Lif sönder Geist doad es, sa es uk di Glow sönder Werke doad.

1 Petrus 1:11

En ja hå eterforsket, tö welk en watfoar en Tid düdet di Geist van Kristus, diär ön jam wiär, en tovoaren betjügt hēd di Liden, diär ön Kristus sen, en di Herlikheid, welk diärüp fölligt.

Judas 1:12

Sok Fülfattigen prasse bi ju Lewde-Miältiden van ju Gåwen sönder Fürgt, en weide sik sallew; ja sen Wolken sönder Weter, van di Windj ombidrewwen, kål, ünfrügtbår Bomer, taumal sturwen, en ütrottet.

Ipenbaring 1:11

Di sprok: Ik sen dit A en dit O, di Jest en di Lēst. En wat dü sjogst, dit skriw ön en Bok, en stjür dit ön di Geminten ön Asien, tö Efesus, en tö Smyrna, en tö Pergamus, en tö Thyatira, en tö Sardis, en tö Filadelfia, en Laodicea.

Ipenbaring 1:16

En hed sowen Stiärner ön sin rogt Hund, en üt sin Müd ging en tauegget skarp Swärt, en sin Ansegt wiär üs di Sen, wan di skintj ön sin vol Kraft hōg ön Hemmel.

Ipenbaring 1:20

Dit Hjemmelkheid van di sowen Stiärner, diär dü sen hest ön min rogt Hund, en di sowen Gold Lägtstanders. Di sowen Stiärner sen Engele/r/ van di sowen Geminten, en di sowen Lägtstanders, diär dü sen hēst, sen /di/ sowen Geminten.

Ipenbaring 1:4

Johannes ön di sowen Geminten ön Asien: Gnade wis me ju, en Fred van di, diär es, en diär wiär, en diär komt, en van di sowen Geister diär voar sin Trōn sen.

Ipenbaring 2:13

Ik wēt, wat dü dädst, en hur dü unest, nämelk, diär di Satans Tron es, en dü haltst bi min Nom, en hest min Glow ek forlögnet, uk ek ön di Dagen, ön welk Antipas min tru Tjüg, bi ju doadslain uden es, diär di Satan unet.

Ipenbaring 2:19

Ik wet din Werken, en din Lewde, en din Tinst, en din Glow, en din Geduld, omdat dü a länger a moar dädst.

Ipenbaring 2:2

Ik wēt din Werken, en din Arbed, en din Geduld, en dat dü di ârig Lid ek fordrai kjenst, en hēst danen forsagt, diär si, ja sen Apostel, en sen-t ek, en hēst befünden, dat ja Lögner sen.

Ipenbaring 2:9

Ik wet din Werken, en din Bedrük, en din Armud, (mar dü best rik), en di Lastering van dânen, welk si, ja sen Juden, en sent ek, mar sen en Skul van di Satan.

Ipenbaring 3:15

Ik wet din Werken, dat dü nogweder kul, of warm best.

Ipenbaring 3:2

Wis wakker, en forstark dit, wat er aur es, wat sterrew wel; for ik hå din Werken ek foar vol fünden voar Gott.

Ipenbaring 3:8

Ik wet din Werken. Se, ik hå en ipen Dür foar di maket, en Nemmen kjen-s töslüt, for dü hēst ek vul Kraft, en hest min Urd behölden, en hest min Nom ek forlögnet.

Ipenbaring 4:5

En van di Tron ging üt Leid, Tönder en Stemmen; en sowen öntjendt Lampen broan voar di Tron, welk Gottes sowen Geister sen.

Ipenbaring 5:6

En ik sag, en lukke ön di medden van di Tron en di vjur Dirten, en ön di medden van di Olderlid stond en Lum, alliküs-t slagtet wiär, en hed sowen Hurner, en sowen Ogen, welk Gottes sowen Geister sen en ütstjürt ön alle Lönden.