Ipenbaring 22:2 - North Frisian New Testament (Clemens)

² Ön di Medden van hör Straten en üp bid Sidden van di Strom stönd Lewents-Holt, dit drog twellew Slags Frügt; en brågt ark Mun sin Frügt; en di Bleden van di Bōm tinet di Volken tö di Sündheid.

Ipenbaring 22:2 ပူးပေါင်းရင်းမြစ်များ

Lukas 4:18

Üüs Herr Gott sin Geist es bi mi, diäraur hi mi iinsalwet heed en stjürt tö forkinđnigen dit Evangeelje foar di Armen, tö hilin di breken Harten, tö prötjin tö di Iinslötenen, dat ja loas kom skulđ, en tö di Blinđnen, dat ja dit Gesigt weder fo skulđ, en tö dânen, diär hart slain uden sen, dat ja ledig en loas wiis skuld.

1 Petrus 2:24

Diär üs Send sallew åwert hed ön sin Likhäm üp dit Holt, omdat wü van di Send ofstürwen sen, en ön Rogtfardigheid lewwe; dör huns Strimen I sünd uden sen.

Ipenbaring 2:7

Hokken Oaren hēd, di hir, wat di Geist tö di Geminten said: Hokken aurwent, höm wel ik tö iten iw van di Lewentsbōm, diär medden ön Gottes Paradis es.

Ipenbaring 21:21

En di twellew Pōrten wiären sowen Perlen, en ark Port wiär van jen Perl, en di Gåten van di Stad wiären lutter Gold, üs Gläs, wat dörskintj.

Ipenbaring 21:24

En di Heiden, welk selig ud, wandele ön dit Lägt. En di Könninger üp di Örd skel jår Herrelkheid en Iär tö jam bring.

Ipenbaring 22:1

En hi wiset mi di rin Flöd-Strom van dit lewendig Weter, klar üs en Kristal, welk van Gottes en dit Lums Tron flöddet.

Ipenbaring 22:14

Selig den danen, welk sin Geboten hoald, omdat jar Magt es ön di Lewents-Bōm, en ja dör di Porten ingung ön di Stad.

Ipenbaring 22:19

En wan er hokken van di Urder ön döt Bok me di Profeseiing wat wegnemt, da wel Gott sin Dil van dit Lewents-Bok, en van di hellig Stad, en van dit, wat er ön döt Bok skrewwen stånt, wegnem.