Ipenbaring 22:17 - North Frisian New Testament (Clemens)

¹⁷ En di Geist en di Brid sprek: Kom! En hokken dit hjert, di sprēk: Kom! En hokken törstig es, di kom; en hokken wel, di nem foriws dit Lewents-Weter.

Ipenbaring 22:17 ပူးပေါင်းရင်းမြစ်များ

Johannes 1:37

En tau van sin Lirlings hjert höm spreken, en jat fölligt Jesus.

Johannes 4:10

Jesus swåret, en sprok tö hör: Wan dü Gottes Gaaw küdst, en hokken-t es, diär tö di said, iiw mi tö drinken: da boadst dü höm, en hi jåw di lewendig Weter.

Johannes 4:11

Di Wüf said tö höm: Herr, dü heest ja nöndt, hurme dü oas kjenst en di Soad es diip; hurvan heest dü da lewendig Weter?

Johannes 4:14

Mar hokken dit Weter drink wel, wat ik höm iiw, di skel ön Ewigheid ek törstig ud, mar dit Weter, wat ik höm iiw wel, skel ön höm en Soad me Weter ud, welk kwelt tö ön dit ewig Lewent.

Johannes 4:29

Kom, en se en Mensk, diär mi Alles said heed, wat ik dön hå, of hi ek Christus es?

Johannes 7:37

En üp di leest Dai van-t Fääst, welk di wigtigst es, stönd Jesus âp, rööp en sprok: Hokken törstig es, di kom tö mi, en drink.

Römer 3:24

En ja ud sönder Fortinst rogtfârdig dör Gottes Gnad, dör di Oflösing, diär sken es dör Jesus Kristus.

1 Korinther 2:12

Mar wü ha di Geist van di Warld ek fingen, mar di Geist van Gott, omdat wü wēt kjen, wat üs van Gott iwen es.

Ipenbaring 14:13

En ik hjert en Stem van Hemmel tö mi sien: Skriw: Selig sen di Doaden, diär on di Herr sterrew, van nü of ön. Ja di Geist sprakt, dat ja ütru van jår Arbed, en jar Werken fölge jam eter.

Ipenbaring 2:7

Hokken Oaren hēd, di hir, wat di Geist tö di Geminten said: Hokken aurwent, höm wel ik tö iten iw van di Lewentsbōm, diär medden ön Gottes Paradis es.

Ipenbaring 21:2

En ik Johannes sag di hellig Stad, dit ni Jerusalem, van Gott üt di Hemmel fåren, klårmåket üs en smükket Brid foar hör Man.

Ipenbaring 21:6

En hi said tö mi: Hat es sken. Ik sen Alfa en Omega, di Begen en di Jend. Ik wel di Törstigen üt di Soad me Weter tö dit Lewent omsonst iw.

Ipenbaring 21:9

En diär kam Jen van di sowen Engeler tö mi, welk di sowen Kelken vol hed van di sowen lēst Plagen, en sprok me mi, en said: Kom, ik wel di de Wüf wise, dit Lum sin Brid.

Ipenbaring 22:1

En hi wiset mi di rin Flöd-Strom van dit lewendig Weter, klar üs en Kristal, welk van Gottes en dit Lums Tron flöddet.

Ipenbaring 22:16

Ik, Jesus, hå min Engel stjürt, om dit Alles tö betjügen ön di Geminten. Ik sen van Davids Röt en Stam, en klår Miärenstiär.

Ipenbaring 7:17

For dit Lum, wat ön di medden, van di Tron es, wel jam weide, en henleite tö di lewendig Weter-Soad; en Gott wel al jar Toaren ofdrügge van jar Ogen.