Ipenbaring 18:23 - North Frisian New Testament (Clemens)

²³ En dit Lägt üp dit Lägtstander skel ek moar lägt bren ön di, en di Stem van di Bridman en di Brid skel ön di ek länger hjert ud; for din Kōplid wiär di Gurten üp di Örd, for dör din Betrålin sen alle Heiden dössig uden.

Ipenbaring 18:23 ပူးပေါင်းရင်းမြစ်များ

Forhandlings 8:11

En ja hinget höm diärom ön, aurdat hi en lung Tid jam me sin Trålin (Bemåkin) wirrig måket hed.

Ipenbaring 12:9

En di gurt Dråk wåd ütsmetten, nämelk di oald Slang, welk nämt ud di Düwel, en Satanas, diär di hile Warld forfört, en hi wåd smetten üp di Örd, en sin Engeler wåd uk diärhen smetten.

Ipenbaring 17:2

Me hör hureten di Könninger üp di Örd, en dânen, diär üp di Örd une, je sen drunken uden van jår Hurenwin.

Ipenbaring 17:5

En üp hör Vorhaud wiär er skrewwen; nämelk: Hjemmelkheid: di gurt Babylon, di Moder van di Hureri, en al Gröggelkheid üp di Örd.

Ipenbaring 18:22

En di Stem van di Sjungsters, en Harpenspöllers, di Pipers, en Posauners skel ek länger ön di hjert ud; en nin Handwerker skel er moar ön di fünden ud; en di Stem van di Melner skel ek moar ön di hjert ud.

Ipenbaring 18:3

For van dit Win üt di Törn van hör Hureri ha alle Heiden drunken, en di Könninger üp di Örd hå me hör Hureri drewwen, en hör Koplid sen rik uden van hör gurt Wellest.

Ipenbaring 18:9

En di Könninger üp di Örd, welk me hör huret en Aurdadigheid drewwen hå, skel hör beskrole. En sik aur hör beklåge, wan jü di Rok van hör Brand se skuld.

Ipenbaring 21:8

Mar di Forsågten, en Ünglowigen, en Gröggelken, en Murdigers, en Hurern, en Trålen, en Ofgottdiners, en alle Lögners, jar Dil skel wis ön di Pul, diär me Jöld en Swåwel brent, welk es di üder Doad.

Ipenbaring 22:15

For bütten sen di Hünder en di Tråler, en di Hurer, en di Mūrdigers, en di Ofgotsken, en al dânen, diär di Lögen lew hå en dö.

Ipenbaring 22:5

En diär skel nin Nagt wis, en ja skel nin Stoklägt of dit Lägt van di Sen nödig hå, for üs Herr Gott måket et lägt foar jam, en ja skel üs Könninger herske van Ewigheid tö Ewigheid.

Ipenbaring 6:15

En di Könninger üp di Örd, en di Försten, en di Rikken, en di Oppersten, en di Magtigen, en alle Knegter, en alle Frien, forboarg sik ön di Spleten en Kleppen ön di Bâriger.

Ipenbaring 9:21

Uk bekirt ja sik ek van jar Murdsjugt, Heksenkönst, Hureri en Tiweri.