Ipenbaring 15:2 - North Frisian New Testament (Clemens)

² En dit såg üt üs en gläsen See me Jöld formängt; en dânen, diär di Wenbogt fingen hed aur dit Bēst en sin Bild, en sin Markteken, en sin Noms Getal, welk ön di gläsen See stönd, en hed Gottes Harpen.

Ipenbaring 15:2 ပူးပေါင်းရင်းမြစ်များ

Matthäus 3:11

Ik döpe ju me Weter tö ju Bekiring, mar di diär eter mi komt, es starker üs ik, en ik sen höm ek mans nog, om sin Skuur tö draien, hi wel ju me di hellig Geist en me Jöld döpe.

1 Petrus 1:7

Omdat ju Glow rogtskaffen en vul köstelker ön di Prow befünden ud, üs al dit forgängelk Gold, wat dör dit Jöld prowet ud, tö Low, Pris en Iär, wan Jesus Kristus nü ipenbaret ud.

1 Petrus 4:12

Wundere, I Lewsten! ju ek aur di Jöldprow, welk ju wederfart tö en Forsjuk, alliküs dat er wat Senderliks aur ju kâm.

Ipenbaring 12:11

En ja hå di Wenbogt aur höm fingen dör dit Blöd van dit Lum, en dör dit Urd van jar Tjügnis, en hå jar Lewent ek lew hed, bet hen tö di Doad.

Ipenbaring 13:1

En ik såg en Dirt üt di See âpkommen, dit hed sowen Hauder en tin Hurner; en üp sin Hurner tin Kronen, en üp sin Hauder Spot-Nomer van Gotters-Lästering.

Ipenbaring 13:14

En forfört danen, diär üp di Örd une, om di Tekens wel, welk höm iwen sen, om tö dön voar dit Dirt, en said tö danen, diär üp di Örd une, dat ja foar dit Best en Bild måke skuld, wat dit Sirsteid van dit Swärt hed, en lewendig uden wiär.

Ipenbaring 13:17

En dat er Nemmen kope of forkope kjen, voarbütten danen, diär dit Markteken hå, of di Nōm van dit Dirt, of di Tal van sin Nōm hēd.

Ipenbaring 21:18

En di Bu van hör Müren wiär van Jaspis, en di Ståd van lutter Gold, alliküs dit rinst Glas.

Ipenbaring 4:6

En voar di Tron wiär en gläsen See, alliküs Kristal; en medden ön di Tron vjur Dirten, vol Ogen, van voaren en van agteren.

Ipenbaring 5:8

En diär-t dit Bok nommen hed, da fäl di vjur Dirten en di vjur en twundig Olderlid voar dit Lum djäl, en Ark hed sin Harp, en gold Kogsen vol Rōkwerk, wat di Bödiger van di Helligen sen.