Ipenbaring 13:4 - North Frisian New Testament (Clemens)

⁴ En bödigt di Dråk ön, welk dit Best di Magt jaw, en bödigt dit Best ön, en sprok: Hokken es dit Best lik? En hokken kjen Krig för me höm?

Ipenbaring 13:4 ပူးပေါင်းရင်းမြစ်များ

2 Korinther 4:4

Mar di Ünglowigen, huns Forstand di Warlds-Gott forblänt hēd, se dit klar Lägt van dit Evangilje ek, ja se ek di Klårheid van Kristus, diär Gottes Bild es.

2 Thessaloniker 2:4

Diär sik apsät en âphēwt aur Alles, wat Gott en Gottes Iär hjit, sa dat hi sik sät ön Gottes Tempel üs en Gott, en jewt sik diärfoar üt, dat hi Gott es.

Ipenbaring 12:3

En diär kâm ön Hemmel jit en üder Teken ön Sjün, en se, en gurt road Drak, di hed sowen Hauder en tin Hurner, en üp sin Hauder sowen Kronen.

Ipenbaring 12:4

En sin Stört tōg di träd Dil van di Stiären, en smet-s üp di Örd. En di Drak stond voar di Wüf, diär bår skuld, omdat, wan jü geboren hed, hi dit forsling küd.

Ipenbaring 13:11

En ik sag en üder Best üt di Örd apkommen, dit hed tau Hurner, alliküs dit Lum, en sprok üs di Dråk.

Ipenbaring 13:15

En hat wad höm iwen, dat et dit Bild van dit Best di Geist jaw, dat dit Bild van dit Best sprok, en dat et måket, dat danen, welk dit Bild van dit Best ek önbödige wild, doadslain wad.

Ipenbaring 13:2

En dit Best, wat ik sag, wiär alliküs-en Pardel en sin Fet üs Bärenfet, en sin Mul üs en Löwen-Mul. En di Dråk jaw höm sin Kraft, en sin Stöl, en gurt Magt.

Ipenbaring 17:14

Dössen skel strid me dit Lum, en dit Lum skel jam aurwen, for hat es di Herr aur alle Herren, en di Könning aur alle Könninger, en dânen, diär me höm sen, di Beröpenen, di Ütwäleten, en di Glowigen.

Ipenbaring 18:18

En röp, üs ja de Rok van jar Brand såg, en sprok: Watfoar en Stad es san en gurt Stad lik?

Ipenbaring 9:20

En dag kirt di üder Mensken, diär van dös Plagen ek tö Doad kjemmen wiär, van di Werken me jår Hunden ek om, omdat ja ek moar di Düweler en di Ofgottsbilder van Gold, en Sölwer, van Köper, en Stin, en Holt, welk nogweder se, of hir, nog gung küd, onbödige skuld.