Ipenbaring 12:4 - North Frisian New Testament (Clemens)

⁴ En sin Stört tōg di träd Dil van di Stiären, en smet-s üp di Örd. En di Drak stond voar di Wüf, diär bår skuld, omdat, wan jü geboren hed, hi dit forsling küd.

Ipenbaring 12:4 ပူးပေါင်းရင်းမြစ်များ

Johannes 8:44

I sen van di Vader di Düwel, en eter ju Våders Lest wel I dö. Disallew es en Mūrdiger van jest Begen of ön, en hi heed ek ön di Wårheid bestönden, for di Wårheid es ek ön höm. Wan hi Lögen sprakt, da sprakt hi van sin Ein; for hi es en Lögner, en di Vader van di Lögen.

1 Petrus 5:8

Wis nügtern en wåket, for ju Tögenparti, di Düwel, geid ombi üs en Löw, en brüllet en sjukt, hokken hi forslingt.

Ipenbaring 12:7

En diär öntstönd en Strid ön Hemmel. Migael en sin Engeler fegt me di Drak, en di Dråk en sin Engeler fegt.

Ipenbaring 12:9

En di gurt Dråk wåd ütsmetten, nämelk di oald Slang, welk nämt ud di Düwel, en Satanas, diär di hile Warld forfört, en hi wåd smetten üp di Örd, en sin Engeler wåd uk diärhen smetten.

Ipenbaring 13:2

En dit Best, wat ik sag, wiär alliküs-en Pardel en sin Fet üs Bärenfet, en sin Mul üs en Löwen-Mul. En di Dråk jaw höm sin Kraft, en sin Stöl, en gurt Magt.

Ipenbaring 13:4

En bödigt di Dråk ön, welk dit Best di Magt jaw, en bödigt dit Best ön, en sprok: Hokken es dit Best lik? En hokken kjen Krig för me höm?

Ipenbaring 16:13

En ik såg üt di Dråk sin Mul, en üt dit Best sin Raggen, en üt di falsk Profet sin Müd, tri ünrin Geister gungen, alliküs di Podden.

Ipenbaring 17:18

En di Wüf, diär dü sen hēst, es di gurt Stad, diär diär dit Könningrik hed aur di Könninger üp di Örd.

Ipenbaring 20:2

En hi grep di Dråk, di oald Slang, welk di Düwel es, en di Satan, en boand höm düsend Jår.

Ipenbaring 8:10

En di träd Engel posaunet. En diär fäl en gurt Stiär van Hemmel, di broan üs en Fakkel, en fäl üp di träd Dil van di Weterstromer en üp di Wetersoaden.

Ipenbaring 8:11

Di Stiär hjit Wormken; en dit träd Dil wad Wormken. En vul Mensken stoarw van dit Weter, for hat wiär sa barsk uden.

Ipenbaring 8:12

En di vjart Engel posaunet. En di träd Dil van di Sen, en di träd Dil van di Mun, en dit träd Dil van di Stiären wåd slain, dat di träd Dil diärvan ön Junkens kam, en di träd Dil van di Dai forlos sin Skin, en di Nagt allika.

Ipenbaring 8:7

En di jest Engel posaunet. En diär wåd Heils en Jold me Blöd formängt, en fäl üp di Örd. En dit träd Dil van di Bomer forbroan, en al dit gren Gärs forbroan.

Ipenbaring 8:8

En di üder Engel posaunet. En hat wiär, üs stört en gurt Barig, diär ön lägt Log broan, ön di See, en dit träd Dil van di See wad Blöd.

Ipenbaring 8:9

En dit träd Dil van di lewendig Skåpninger ön di See stoarw; en di träd Part van di Skepen ging önder.

Ipenbaring 9:10

Ja ha Störter alliküs Skorpionen, en Protter ön jar Störter, en ja hed di Magt, füf Mun di Mensken tö pinigen.

Ipenbaring 9:19

Di Hingster jar Magt wiär ön jar Mul, en jar Störter wiär di Slangen lik, en hed Hauder, en diärme död ja Skad.