Ipenbaring 11:1 - North Frisian New Testament (Clemens)

¹ En diär wåd mi en Reidstok iwen, alliküs en Mētstok en di Engel stond diärbi, en said: Stun âp, en mēt Gottes Tempel, en di Ålter, en danen, welk diärön önbödige.

Ipenbaring 11:1 ပူးပေါင်းရင်းမြစ်များ

2 Korinther 6:16

Watfoar en Lik hed Gottes Tempel me di Ofgotten? Mar I sen di lewendig Gott sin Tempel, alliküs Gott sprakt: I wel ön jam une, en ön jam wandele, en wel jår Gott wis, en ja skel min Volk wis.

1 Petrus 2:5

En uk üs di lewendig Stiner beg ju tö en geistelk Hüs en tö en hellig Pröstdom, om geistelk Åwer tö åwerin, diär Gott gudhåge, dör Jesus Kristus.

1 Petrus 2:9

Mar I sen dit ütkwoart Geslegt, dit köstelk Pröstdom, dit hellig Volk, en Volk tö en Eindom, dat I di Dögsomheiden forkindjige skuld van di, diär ju beröpen hed van di Junkens tö sin wunderbarelk Lägt.

Ipenbaring 10:11

En hi sprok tö mi: Dü must alweder profesei di Volken, en Heiden, en Moalen, en vul Könninger.

Ipenbaring 21:15

En di, welk me mi sprok, hed en gold Reidstok, omdat hi di Stad, en Porten en Müren met skuld.