Ipenbaring 1:9 - North Frisian New Testament (Clemens)

⁹ Ik Johannes, diär uk ju Brödher en Dilnemmer ön di Bedrüwwing es, en ön dit Rik, en ön di Geduld van Jesus Kristus, wiär üp dit Eilönd, wat Patmos hjit, om di wel van Gotts Urd en dit Tjügnis van Jesus Kristus.

Ipenbaring 1:9 ပူးပေါင်းရင်းမြစ်များ

Matthäus 20:23

En hi said tö jam: “Min Kelk kjen I wel drink, en me di Dö̂p, diär ik me döpet ūd, skel I uk döpet ūd, mar dit Setten tö min rogt Hund en tö min left Hunđ, stånt ek bi mi om tö iwen, üs alining dânen, diär-t van min Våder ön Hemmel töleid es.

Markus 10:39

Jat said tö höm: Ja, wat kjen dit nog. Mar Jesus said tö jam: At skel wel di Kelk drink, diär ik drink, en döpet ud me di Dööp, diär ik me döpet ud.

Johannes 16:33

Dit hå ik tö ju spreken, dat I ön mi Fred hå. Ön di Warld hå I Ungst; mar wiis getrost: Ik hå di Wårld aurwünden.

Forhandlings 1:15

En ön di Dagen trat Petrus ap mung di Lirlings, en said (di hile Kär wiär omtrent (henbi) höndert en twundig Personen.)

Forhandlings 14:22

En bestärkt di Jünger jår Selen, en muntert jam âp, dat ja ön di Glōw bliw skuld, en dat wü dör vul Bedrük ingung mut ön Gottes Rik.

Römer 8:17

Sen wü da Biärner, da sen wü uk Arwing, nämelk Gottes Arwing, en Kristus sin Mearwing; wan wü me höm Iid, omdat wü uk me höm tö di Herligheid aphewen ud.

Römer 8:25

Mar wan wü dit höpe, wat wü ek se, da tēw wü diäreter ön Geduld.

2 Korinther 1:7

En üs Höp van ju stånt fast, wil wü wet, dat alliküs I dit Liden dilhaftig sen, sa skel I uk di Trost dilhaftig wis.

Filipper 1:7

Allik üs-t da van mi rogt es, dat ik van ju altermal likvul hoald, diärom dat ik ju ön min Hart hå, on dös min Kettings, hurön ik dit Evangilje forswåre en bekraftige, en I altermal me mi di Gnåd dilaftig sen.

Filipper 4:14

I hå dag wel diärön dön, dat I ju min Bedrüwwing sa önnommen hå.

2 Thessaloniker 3:5

Mar di Herr wise ju Harten tö Gottes Lewde, en tö di Standhaftigheid ön-t Kristendom.

2 Timotheus 1:8

Diärom skåme di ek voar dit Tjügnis van üs Herr, nog voar mi, diär sin Gefangener es, mar lid Bedrük me dit Evangilje, alliküs ik dör Gottes Kraft.

Hebräer 10:36

Mar Geduld ha I nödig, omdat I Gottes Wel dö, en di Tölöwing fo.

1 Petrus 5:1

Di Olderlid, diär mung ju sen, formåne ik, üs en Me-Olderman, en Tjüg van di Liden, diär ön Kristus sen, en dilhaftig ön di Herrelkheid, welk ipenbaret ud skel.

Ipenbaring 1:1

Döt es di Ipenbåring van Jesus Kristus, welk Gott höm iwen hed, om sin Tinstknegter tö wisin, wat ön en Hast ske mut, en hi hēd-s ütdüdet, en stjürt dör sin Engel, tö sin Tinstknegt Johannes.

Ipenbaring 1:2

Hi hēd Gottes Urd betjügt, en dit Tjügnis van Jesus Kristus, wat hi sen hed.

Ipenbaring 1:4

Johannes ön di sowen Geminten ön Asien: Gnade wis me ju, en Fred van di, diär es, en diär wiär, en diär komt, en van di sowen Geister diär voar sin Trōn sen.

Ipenbaring 1:6

En hēd üs tö Könninger en Pröster måket voar Gott en sin Våder; höm wis Iär en Gewalt van Ewigheid tö Ewigheid. Amen.

Ipenbaring 11:7

En wan ja jar Tjügnis foljendjigt hå, da skel dit Dirt, wat üt dit Steid hur nin Gründ es, apkomt, me jam en Strid hoald, en wel jam aurwen, en wel jam doad måke.

Ipenbaring 12:11

En ja hå di Wenbogt aur höm fingen dör dit Blöd van dit Lum, en dör dit Urd van jar Tjügnis, en hå jar Lewent ek lew hed, bet hen tö di Doad.

Ipenbaring 12:17

En di Dråk wåd fortörnt aur di Wüf, en ging hen om Krig tö begennen me hör üder Biärner, welk Gottes Gebot hoald, en Jesus Kristus standhaft bekän.

Ipenbaring 13:10

Wan er hokken üdern ön di Gefangenskep fört, di skel ön di Gefangenskep gung; wan er hokken me dit Swärt doad slaid, di skel me dit Swärt doadslain ud. Hjir es di Helligen jar Geduld en Glow.

Ipenbaring 14:12

Hjir es di Geduld van di Helligen, hjir sen dânen, welk Gottes Gebote hoald, en di Glow ön Jesus.

Ipenbaring 19:10

En ik fäl djäl voar sin Fet, om höm öntöbödigen. En hi sprok tö mi: Se tö, dat dü dit ek dädst; ik sen din Meknegt, en din Brödhern jår Meknegt, en dânen jår, welk dit Tjügnis van Jesus ha. Bödige Gott on! Mar dit Tjügnis van Jesus es di Geist, om wis voarüt tö sien.

Ipenbaring 20:4

En ik sag Stöler, en ja sät sik diärüp, en dit Gerigt wåd jam auriwen, en ik sag di Silen van dânen, welk di Haud ofslain uden sen, om di wel van Jesus sin Tjügnis, en om di wel van Gottes Urd, en dânen, welk dit Bēst en dit Bild van dit Bēst ek önbödigt hå, en sin Markteken ek önnommen hå ön jår Vorhaud en üp jar Hund: Dössen lewwet en regiret üs Könninger me Kristus düsend Jår.

Ipenbaring 3:10

Aurdat dü dit Urd van min Geduld behölden hēst, wel ik di uk behoald voar di Stünd ön di Forsjuk, welk kom skel aur di hile Warld, om danen tö forsjukken, welk üp di Örd une.

Ipenbaring 6:9

En diär-t dit füft Segel ipent hed, sag ik onder di Ålter di Selen van dânen, diär wirrigt uden wiär om di wel van Gottes Urd, en om dit Tjügnis wel, wat ja hed.

Ipenbaring 7:14

En ik sprok tö jam: Herr! dü wētst et. En hi said tö mi: Dössen sent, diär kjemmen sen üt gurt Bedrük, en ha jår Kloader tauet, en ha jår Kloader lägt måket on dit Blöd van dit Lum.