Hebräer 4:12 - North Frisian New Testament (Clemens)

¹² For Gottes Urd es lewendig en kraftig, en skarper üs en Knif me tau Eggen, wat deppelt skiärt, en dringt dör, tö dat et skäd Liw en Sil en Geist, uk Mark en Bin, en es en Rigter aur di Hartens Sen en Tågten.

Hebräer 4:12 ပူးပေါင်းရင်းမြစ်များ

Lukas 8:11

Man dit es dit Henliknis: Di Siit es Gotts Uurd.

Johannes 12:48

Hokken mi foragt, en nemt min Uurder ek âp, di heed al jen, diär höm rogt: dit Uurd, wat ik spreken hå, dit skel höm rogt üp di jungst Dai.

Johannes 6:51

Ik sen dit lewendig Broad, wat van Hemmel kjemmen es; hokken van döt Broad iit wel, di wel lewwe ön Ewigheid. En dit Broad, wat ik höm iiw wel, es min Flēsk, wat ik iiw wel tö dit Lewent foar di Warld.

Forhandlings 2:37

Mar diär ja dit hjert, ging-t jam dör jår Hart, en ja sprok tö Petrus, en tö di Üder Aposteler: I Karming, üs lew Brödhem, wat skel wü dö?

Forhandlings 4:31

En üs ja bödigt hed, beweget sik dit Steid, hur ja forsamelt wiär, en /ja/ wåd al vol van di hellig Geist, en sprok Gottes Urd me Frimudigheid.

Forhandlings 5:33

Diär ja dit hjert, ging-t jam dör-t Hart, en ja tågt jam doad tö slaen.

Forhandlings 7:38

Dös est, diär ön dit Geminte ön di Wösteni me di Engel wiär, diär tö höm sprok üp di Barig Sinai, en me üs Väders; hi fing dit lewendig Ūrd, om-t üs tö iwen.

Römer 1:16

For ik skamme mi ek voar dit Evangilje van Kristus, för hat es en Kraft van Gott, om al danen selig tö måkin, welk diärön liw, jest di Juden, en da uk di Griken.

1 Korinther 1:24

Mar danen, diär beröpen sen, bid Juden en Griken prötje wü Kristus, Kraft van Gott en Wisheid van Gott.

2 Korinther 2:17

For wü sen ek sokken, üs Sommen vul, diär Gotts-Urd forfälske, mar ön Aprogtigheid, en üt Gott, voar Gott, sprek wü ön Kristus.

2 Korinther 4:2

Mar wü nem üs ön Agt voar hjemmelk Skand, en gung ek me Skalkheid om, forfälske uk ek Gotts-Urd, mar wü ipenbåre di Wårheid, en bewise üs âprogtig tögen dit Geweten van alle Mensken, voar Gott.

Efeser 5:13

Mar dit ud al ipenbår, want van-t Lägt strafet ud. For Alles, wat ipenbar es, dit es Lägt.

Efeser 5:26

Omdat hi jam helligt, en hēd-s rin måket, dör dit Weterbad ön-t Urd.

Efeser 6:17

En nem di Helm tö di Seligheid, en dit Geist-Swärt, wat Gottes Urd es.

1 Thessaloniker 2:13

Diärom danke wü uk langsen Gott, dat I, üs I di Forkindjiging van Gottes Urd fing, dit önnōm ek üs Mensken-Urd, mar, (alliküs dit wårelk es) üs Gottes Urd, wat uk wirket ön ju, diär glowig sen.

1 Thessaloniker 5:23

Mar hi, di Freds Gott, hellige ju dör en dör, en ju Geist hilental, samt di Seel en di Likhäm mut behölden ud ünskildjig tö üp üs Herr Jesus Kristus sin Tökomst.

Hebräer 13:7

Tänk om ju Liärers, diär ju Gottes Urd forkindjigt hå, en wan I di Jend van jår Wandel betragte, da föllige jår Glow eter.

Hebräer 6:5

En Gottes gud Urd smakt hå, en di Kraft van di tökommende Wârld.

Jakobus 1:18

Hi hed üs geboren eter sin Wel, dör dit Urd van di Warheid, omdat wü di Jesten wiär van sin Kreaturen.

1 Petrus 1:23

Üs dânen, diär wedergeboren sen, ek ut forgangelk, mar üt ünforgängelk Sit, nämelk üt dit lewendig Urd van Gott, wat ewig blewt.

Ipenbaring 1:16

En hed sowen Stiärner ön sin rogt Hund, en üt sin Müd ging en tauegget skarp Swärt, en sin Ansegt wiär üs di Sen, wan di skintj ön sin vol Kraft hōg ön Hemmel.

Ipenbaring 19:15

En üt sin Müd ging en skârp Swärt, om di Heiden diärme tö slaen, en hi wel jam regire me en irsen Rod. En di trat di Winpärsküp me di Win van di almagtig Gott sin Törn en Grim.

Ipenbaring 19:21

En di Üdern wåd doadslain me dit Swärt van di, diär üp di Hingst sēt, wat üt sin Müd ging, en alle Vüggeler wad sådigt van jår Flēsk.

Ipenbaring 2:16

Bekir di; wan dit ek, da wel ik hastig tö di kom, en me jam Krig för dör dit Swärt me min Müd.

Ipenbaring 2:23

En hör Biärner wel ik doad slå. En alle Geminten skel wēt, dat ik di sen, diär Njüren en Harten önder sjukt, en ik wel Arkjen van ju iw eter ju Werken.

Ipenbaring 20:4

En ik sag Stöler, en ja sät sik diärüp, en dit Gerigt wåd jam auriwen, en ik sag di Silen van dânen, welk di Haud ofslain uden sen, om di wel van Jesus sin Tjügnis, en om di wel van Gottes Urd, en dânen, welk dit Bēst en dit Bild van dit Bēst ek önbödigt hå, en sin Markteken ek önnommen hå ön jår Vorhaud en üp jar Hund: Dössen lewwet en regiret üs Könninger me Kristus düsend Jår.