Hebräer 3:5 - North Frisian New Testament (Clemens)

⁵ En Moses hed wel tru wessen ön sin hile Hüs, üs en Diner, om tö betjügen, wat forkindjigt ud skel.

Hebräer 3:5 ပူးပေါင်းရင်းမြစ်များ

Matthäus 24:45

Mar hokken nü en tru en klōk Knegt es, diär sin Herr sǟt hēd aur sin Tīnsten, dat hi jam tö rogter Tid di Miältid dǟd.

Matthäus 25:21

Sin Herr said tö höm: Wel, dü best en bråw en tru Knegt, dü hēst aur Litjet tru wessen, ik wel di aur en hīl Hoppen sǟt. Kīr īn ön di Herr sin Frügged.

Lukas 12:42

Mar di Herr said: Wat heed dit dag vuul tö sien, wan en Hüshoalđer tru en klook es, diär di Herr säät aur al sin Tiinsten, dat hi jam tö rogter Tid dääd, wat jam tö komt.

Lukas 24:27

En begent van Moses en alle Profeten, en leid jam alle Skreften üt, diär van höm said uden wiär.

Lukas 24:44

En hi said tö jam: Dit sen di Uurder, diär ik tö ju said, diär ik jit bi ju wiär, for hat mut Alles tö folling kom, wat er van mi skrewwen Staant ön Moses sin Wetten, ön di Profeten, en ön di Salmen.

Johannes 5:39

Sjuk ön di Skreft; for I min, I hå diärön dit ewig Lewent, en di est, diär van mi tjügt.

Forhandlings 28:23

En üs ja höm en Dai fast sät hed, da kâm er rogt Vulen tö höm ön di Herbarig. Danen forklåret en betjügt hi Gottes Könningrik, en hi sågt jam tö aurtjügen van Jesus üt Moses Wet en di Profeten, van en Miärnem eder bet hen tö en Indjnem.

Forhandlings 7:37

Hat es dös Moses, diär tö Israels Biärner said hēd: En Profet wel ju di Herr, ju Gott apwǟk üt ju Brödhem, alliküs mi, höm skel I hir.

Römer 3:21

Mar nü es sönder di Wet di Geregtigheid, diär voar Gott gelt, ipenbåret en betjügt dör di Wet en di Profeten.

1 Korinther 4:2

Nü sjukt em ek moar ön di Hüshoalders, üs dat ja tru fünden ud.

1 Timotheus 1:12

En ik danke üs Herr Kristus Jesus, diär mi stark maket, en mi foar tru agt hed, en mi ön dit Amt insät hed.

Hebräer 1:1

Eterdat Gott ön di voarige Tid manningmal en üp mannigerlei Wis spreken hed dör di Profeten tö di Väders,

Hebräer 3:2

Hi es höm tru, diär höm måket hed, alliküs Moses ön sin hile Hüs.

Hebräer 3:4

For ark Hüs ud van hokken begt; mar di, diär Alles begt hēd, dit es Gott.

Hebräer 8:5

Ja tine dit Voarbild en di Skår van dit Hemmels-Hellingdom. Alliküs dit Moses van Gott bedüdet wåd, üs hi di Höt klår måke skuld. Se tö, sprok hi, dat dü Alles eter dit Voarbild måkest, wat di üp di Bârig wiset es.

Hebräer 9:24

For Kristus es ek ingingen ön dit Hellig, wat me Hunden måket es, wat en Nabild van dit wåre wiär, mar ön di Hemmel sallew, en voar Gottes Ansegt foar üs sik tö stellen.

Ipenbaring 15:3

En song dit Lēt van Moses, Gottes Knegt, en di Salm van dit Lum, en sprok: Gurt en wunderbar sen din Werken, Herr! almagtig Gott, rogtfârdig en wårhaftig sen din Weien, dü Könning aur di Helligen.