Hebräer 10:34 - North Frisian New Testament (Clemens)

³⁴ For I hå Meliden hed me min Banden, en I skekket ju me gud Mud diärön, üs ju Gud rowet wåd, for I wet, dat I bi ju sallew en beter en bliwen Gud ön Hemmel hå.

Hebräer 10:34 ပူးပေါင်းရင်းမြစ်များ

1 Petrus 1:4

Tö en ünforgängelk en ek forwellet Arfdil sönder Plakken, wat behölden ud on Hemmel.

2 Timotheus 1:16

Di Herr iw Onesiforus Hüs Barnhartigheid; for hi hēd mi åft erkwikt en hed sik ek skamet aur min Kettings.

Jakobus 1:2

Min lew Brödhern! agt et foar lutter Frügged, wan I ön vulerlei Önfegtninger fål.

Hebräer 13:3

Tänk om danen, diär bünden wiär, üs wan I sallew bünden wiär; en dânen welk Kemmer lid, üs sokken, welk sallew jit ön di Likhäm lewwe.

Efeser 6:20

Huns Böd ik sen ön di Ketting, omdat ik diärön frimudig sprek en handele mai, üs-t sik gebört.

Lukas 12:33

Forkope, wat I hå en iiw Almosen. Maake ju Pösen, diär ek âpslit, såmle foar di Hemmel en Skats, diär older ofnemt; diär niin Tiif tökomt, en di Würmer ek freet.

1 Johannes 3:2

Min Lewsten! wü sen nü Gottes Biärner, en hat es jit ek ipenbåret uden, wat wü wis skel. Mar wü wēt, wan dit ipenbåret ud, dat wü höm lik wis skel; for wü skel höm se, alliküs hi es.

Hebräer 11:16

Mar nü sen ja begiärelk eter en beter, nämelk en Våderlönd ön Hemmel.

1 Timotheus 6:19

Dat ja sik Skätse såmele, jam sallew tö en gud Gründ üp di Tökomst, omdat ja dit ewig Lewent fo mai.

Kolosser 1:5

Foar di Höp, diär ju töleid es ön Hemmel, hurvan I al tövoaren hjert hå dör dit Urd van di Wårheid ön-t Evangilje.

Filipper 1:7

Allik üs-t da van mi rogt es, dat ik van ju altermal likvul hoald, diärom dat ik ju ön min Hart hå, on dös min Kettings, hurön ik dit Evangilje forswåre en bekraftige, en I altermal me mi di Gnåd dilaftig sen.

Efeser 4:1

Ik Gefangener ön di Herr formåne ju nü, dat I wandele, üs-t sik gebört nå ju Berōp, hurön I röpen sen.

Efeser 3:1

Diärom ik Paulus, di Gefangener van Jesus Kristus foar di Heiden.

Forhandlings 21:33

Mar üs di Haudman naier hjårt kâm, let hi höm wegnem, en jaw Order, höm me tau Ketting/s/ tö slütten, en fråget höm, hokken hi wiär, en wat hi dön hed.

Forhandlings 5:41

Mar ja ging blid weg van di Rads Ansegt, dat ja wert wessen wiär, om sin Nōms wel Småg tö liden.

Lukas 10:42

Mar jen Ding es nödig. Maria heed dit bääst Diil wälet, dit skel ek van hör nommen ud.

Matthäus 19:21

Jesus said tö höm: “Wedt dü volkommen wiis, da gung hen, forkope wat dü heest, en döt ön di Armen, da wedt dü en Skats ön Hemmel hå. En da kom, en fölge mi.”

2 Timotheus 2:9

Huraur ik Bedrük lid bet tö di Banden, üs en Forbreker; mar Gottes Urd es ek bünden.

2 Korinther 5:1

Mar wü wet, wan üs Hüs van Örd, di Hot, diälbreken ud, dat wü en Begning hå van Gott, en Hüs wat ek me Hunden måket, diär ewig es ön Hemmel.

Forhandlings 28:20

Om di Uarsak hå ik forlangt, ju tö sen en tö spreken, for om Israels Höps wel sen ik slöten ön dös Ketting.

2 Timotheus 4:8

Diärom es mi uk di Kron van di Rogtfardigheid töleid uden, welk di Herr, di rogtfardig Rigter, /mi/ üp di jungst Dai iw wel; ek alining mi, mar uk al dânen, welk sik tö sin Wederkomst frügge.

Lukas 9:25

En wat Baat heed di Mensk diärvan, wan hi uk di hile Warlđ woan, en maast höm salw mest, of höm salw beskådige?

Hebräer 9:15

En diärom es hi uk en Meddeler van dit ni Testament uden, omdat dör di Doad, welk sken es tö Oflising van de Forbreken, welk onder dit jest Testament wiär, dat dânen, welk sa beröpen sen, dit tölöwet Arfdil fo.

Hebräer 13:14

For wü hå hjir nin bliwen Stad, mar di tökommen sjuk wü.