Forhandlings 7:55 - North Frisian New Testament (Clemens)

⁵⁵ Mar hi wiär vol van di hellig Geist, en lukket âp jen Hemmel, en sag Gottes Herligheid, en Jesus stunen tö di rogt Hund van Gott, /en sprok/: Lukke, ik se di Hemmel ipen, en di Lies: Menskenseen stunen tö Gottes rogt Hund.

Forhandlings 7:55 ပူးပေါင်းရင်းမြစ်များ

Markus 16:19

En di Herr, eter dat hi tö jam spreken hed, wåd hi âphewen jen Hemmel, en set tö Gottes rogt Hund.

Hebräer 1:3

Wil hi di Glindering van sin Herrelkheid es, en dit Iwenbild van sin Wesen, en drait alle Dinge me sin kraftig Urd, en hēd di Rensking van üs Send dör sik sallew tö Wei brågt, da hed hi sik sät tö di rogt Hund van di Majestät ön di Hōgde.

2 Korinther 4:6

For Gott, diär said, dat dat dit Lägt üt di Junkheid skin skuld, hēd en lägt Skin ön ju Harten iwen, omdat dör üs dit Lägtens van di Känels öntstönd, nämelk van Gottes Herrelkheid ön Jesus Kristus.

Forhandlings 6:10

En ja küd di Wisheid en di Geist ek wederstun, dör welk hi sprok.

Forhandlings 6:8

En Stefanus, vol van Glow en Kraft, död Wunder en gurt Teken mung dit Volk.

Forhandlings 6:5

En dit Urd håget di hil Mängde wel; en wälet Stefanus, en Man vol van Glōw en di hellig Geist, en Filippus, en Progorus, en Nikanor, en Timon, en Parmenas; en Nikolaus, en Judengenōt (Nibekirt) van Antiochien.

Hebräer 8:1

Dit es nü di Sum, hurvan wü sprēk: Wü ha sa en Hogpröst, diär tö di rogt Hund set, üp di Tron van di Majestät ön Hemmel.

Forhandlings 2:4

En ja wåd Al vol /van/ di hellig Geist, en begent tö prötjin me Üder Tungen, sa üs di Geist jam dit jaw üttöspreken.

Johannes 12:41

Dit said Jesaias, üs hi sin Herligheid såg, en van höm sprok.

Forhandlings 6:3

Diärom, I lew Brödhem, lukke jens mung ju om sowen Karming (Maner) diär gud ön Beröp sen, en vol van di hellig Geist en Wisheid sen, welk wü bestel tö dös Forrogting.

Ipenbaring 21:11

En hi hed Gottes Herrelkheid; en hör Lägt wiär alliküs di bäst Edelstin, en lägt Jaspis.

2 Petrus 1:17

Üs hi van Gott di Våder Iär en Pris fing dör en Stem van di gurt Herrelkheid, welk lüt: Dit es min lew Sen, ön höm ha ik min Formåk.

Forhandlings 4:8

Petrus, vol van di hellig Geist, said tö jam: I Oppersten van dit Volk, en I Olderlid van Israel!

Johannes 14:3

En wan ik henging, om ju dit Steid tö bereidin, da wild ik dag wederkom, en ju tö mi nem, omdat I sen, hur ik sen.

Johannes 11:41

Diär heewt ja di Stin of, hur di Doad leid. En Jesus (left)/heeft/ sin Ogen âp en said: Våder, ik danke di, dat dü mi uk hjert heest.