Forhandlings 20:7 - North Frisian New Testament (Clemens)

⁷ Üp di jest Dai ön di Wēk, üs di Jüngers töhop kjemmen wiär, om dit Broad tö breken, höld Paulus en Rede ön jam, en wild üp di Üder Dai forreise, en sin Rede wåret hen tö Mednagt.

Forhandlings 20:7 ပူးပေါင်းရင်းမြစ်များ

Markus 16:9

Mar Jesus, diär hi âpstönden wiär, ön Miarnem eder, üp di jest Dai van di Sabbat, kâm hi alderjest Maria Magdalena ön Sjün, van welk hi sowen Düweler ütdrewwen hed.

Lukas 22:19

En hi noom dit Broad, danket en brok dit, en jåw jam dit en said: Dit es min Likhäm, diär foar ju heniwen ud. Dö dit tö min Öntäänken.

Lukas 24:35

En jat fortält jam, wat üp di Wei sken wiär, en hurbi jat höm käänt hed, diär hi dit Broad brok.

Johannes 20:1

Üp jen van di Sabbatten kam Maria Magdalena eder Miärens, diär-t jit junk wiär, tö dit Grēw, en såg, dat di Stin van dit Grēw wegnommen wiär.

Johannes 20:19

Mar ön Indjnem üp disallew Sabbat, üs di Lirlings töhop wiär, en di Düren töslöten wiär üt Fürgt voar di Juden, kam Jesus, en stönd ön di medden en said tö jam: Frēd wiis me ju!

Johannes 20:26

En na ågt Dågen wiär sin Jüngers weder bennen, en Thomas me jam. Da kâm Jesus, üs di Düren tölöken wiär, en trat medden mung jam, en said: Frēd wiis me ju!

Forhandlings 16:10

Üs hi nü dit Sjün sen hed, sågt wi straks aur na Macedonien tö reisin, for wü slüt diärüt, dat di Herr üs diärhen röpen hed, om jam dit Evangilje tö forkindigen.

Forhandlings 2:42

En ja blew stidigs ön di Aposteler jår Lir, en ön Geminskep, en önt Broad breken, en ön-t Gebet.

Forhandlings 2:46

En ja wiär dågligs en stidigs bi arküder en jens Sens ön di Tempel, en brok dit Broad hen en weder ön di Hüsing.

Forhandlings 20:11

Da ging hi weder ap, en brok dit Broad, en bēt ön, en sprok jit lung me jam, bet di Dai önbrok; en da reiset hi of.

Forhandlings 20:31

Diärom wis wakker, en tänk diärom, dat ik ek âphölden ha tri Jår, Nagt en Dai, Arkjen me Toaren tö formånin.

Forhandlings 20:5

Al dössen ging voarof, en wiär üs ön Troada forwagten.

Forhandlings 20:9

Nü sēt er en Jungkiärl, bi Nom Eutyches ön en Winning, en fâl ön en fast Slip, aurdat Paulus sa lung sprok; en hi wåd van di Slip aurwäldigt, en (stört) fâl djäl van dit träd Stokwerk, en wåd doad âphewen.

Forhandlings 28:23

En üs ja höm en Dai fast sät hed, da kâm er rogt Vulen tö höm ön di Herbarig. Danen forklåret en betjügt hi Gottes Könningrik, en hi sågt jam tö aurtjügen van Jesus üt Moses Wet en di Profeten, van en Miärnem eder bet hen tö en Indjnem.

1 Korinther 10:16

Di segent Kelk, welk wü segene, es dit ek di Geminskep me dit Blöd van Kristus. Dit Broad, wat wü brēk, es dit ek di Geminskep me di Likhäm van Kristus.

1 Korinther 15:10

Mar van Gottes Gnad sen ik, wat ik sen, en sin Gnad ön mi es ek foriws wessen; mar ik hå vul moar arbed, üs di Üdern al; dag ek ik, mar Gottes Gnad, diär ön mi es.

1 Korinther 16:2

Üp ark Sabbat li ark van ju wat bi di Sid, en samele, wat höm gud tinkt, omdat I ek nödig hå, wan ik kom, da jest di Help tö såmelin.

2 Timotheus 4:2

Prötje dit Urd, hoald ön, hat mai da wis tö rogter Tid, of tö Üntid, wise törogt, trüwwe, formåne me al Geduld en Lir.

Ipenbaring 1:10

Ik wiär ön di Geist üp di Herr sin Dai, en hjert bēft mi en gurt/em/ Stem, üs en Basun.