Forhandlings 19:9 - North Frisian New Testament (Clemens)

⁹ Mar üs Sommen hartnakket wiär, en ek liwt, en voar dit Volk Gottes Wei last, forlet hi jam, sendert di Jüngers of, en forhandelt dågligs ön di Skul van en wes Man Tyrannus.

Forhandlings 19:9 ပူးပေါင်းရင်းမြစ်များ

Matthäus 15:14

Let jam gung! Ja sen blinđ en blinđ Loatsen. Wan di jen Blind di Üder loatset, da fål jat biding ön di Gråw.

Matthäus 16:4

Di ündögt en hurisk Slag Lid forlang en Wunderteken, en diär skel jam niin üder Teken dön ūd, üs di Teken van di Profet Jonas.” En hi forlet jam, en ging sin Wei.

Matthäus 26:55

Alstunds sprok Jesus tö di Kär: “I sen ütgingen, alliküs tö en Muurdiger me Swǟrter en me Knepler, om mi tö fangen, ik hå dag ja dågligs bi ju seten, en hå lirt ön di Tempel, en I hå mi ek greppen.

Johannes 12:40

Hi heed jår Ogen forblǟnt, en jår Hart forstokket, dat ja me di Ogen ek se, nog me dit Hart fornem, en sik bekīr, en ik jam holp.

Forhandlings 11:26

En üs hi höm foand, brågt hi höm hen tö Antiochien. En jat blew en hil Jår bi dit Geminte, en lirt vul Volk; en diäraur wad di Jüngers ollerjest ön Antiochien Christen nämt.

Forhandlings 14:4

Mar di Kär ön di Stad dilet sik ön Partien, Sommen höldt me di Juden, en Sommen me di Apostels.

Forhandlings 17:4

Sommen mung jam liwt, en höld sik tö Paulus en Silas; alliksa uk van di from Griken en gurt Mängde, en van di voarnem Wüffen ek litjeten.

Forhandlings 19:23

Mar om disallew Tid öntstönd ek en litj Aprör (Tumult) aur di Herr sin Wei.

Forhandlings 19:30

Üs Paulus mung dit Volk intrǟng wild, let de Jüngers dit ek tö.

Forhandlings 20:31

Diärom wis wakker, en tänk diärom, dat ik ek âphölden ha tri Jår, Nagt en Dai, Arkjen me Toaren tö formånin.

Forhandlings 22:4

Ik hå dös Lir-Wei forfölligt bet tö di Doad. Ik boand jam, let Måner en Wüffen slüt, en aurlewert jam ön dit Gefängnis.

Forhandlings 24:21

Hat måt da wīs aur dit jen Urd, üs ik mung jam stönd en röp: Aur dit Apstunen van Doaden ud ik delling van ju forklaget!

Forhandlings 28:22

Mar wü wenske dag, din Mining tö hiren; for hat es üs van dös Sekte wel bekänt, dat di aural Tögenspråk fent.

Forhandlings 7:51

I Hartnacketen en Ünbeskjärnen ön Harten en Oaren, I wederstun stidigs di hellig Geist, alliküs ju Väders, sa uk I.

Forhandlings 9:2

En boad höm om Brewer nå Damaskus ön di Skulen, om dat, wan hi hokken üp dös Wei foand, bid Måner en Wüffen, hi jam bünden na Jerusalem brågt.

Römer 11:7

Wat nü da? Wat Israel sjukt, dat hed-t ek fingen; mar di Wål feid dit, di Üdern sen forstokket.

Römer 9:18

Sa erbârmt hi sik nü aur danen, üs hi wel; en forstokket danen, hokken hi wel.

1 Korinther 16:9

For diär es foar mi in gurt Dür ipen måket, welk vul Frügt bringt, alhurwel diär vul Tögenstand es.

1 Timotheus 6:5

Skulkrakel van sok Mensken, diär tenhaudet sen, en di Wårheid berowet, en min, dat Gottseligheid en Wenning es. Let of van Sokken.

2 Timotheus 1:15

Dit wetst dü, dat alle, welk ön Asien sen, sik van mi ofwänt ha; mung dânen sen Fygellus en Hermogenes.

2 Timotheus 3:5

Ja ha wel din Skin van Gottseligheid, mar sin Kraft forlögne ja. Ha nin Omgang me jam.

2 Timotheus 4:2

Prötje dit Urd, hoald ön, hat mai da wis tö rogter Tid, of tö Üntid, wise törogt, trüwwe, formåne me al Geduld en Lir.

Hebräer 3:13

Mar formåne ju sallew alle Dagen, sa lung üs-t delling hjit, om dat er ek hokken mung ju forstokket ud, dör Bedrog van di Send.

2 Petrus 2:12

Mar ja sen üs di ünfornünftig Dirten, welk di Natur föllige, en diärtö geboren sen, om gefangen en slagtet tö uden; ja last, hurvan ja nönt wēt, en skel ön jår Fordürwenheid omkom.

2 Petrus 2:2

En Vulen wel jår Fordârew eterföllige. Dör welk di Wei van di Wårheid last ud.

Judas 1:10

Mar dössen last dit, hurvan ja nönt wēt, en wat ja natürelker Wis kan; diärön fordârwe ja, üs di ünfornünftig Dirten.