Forhandlings 13:10 - North Frisian New Testament (Clemens)

¹⁰ En said: U, dü Düwels-Biärn, vol van List en Skalkheid, en Fīnd van di Rogtfârdigheid, dü halst ek âp, di Herr sin rogt Weien forkirt tö måkin.

Forhandlings 13:10 ပူးပေါင်းရင်းမြစ်များ

Matthäus 13:38

Di Eker es di Wârld. Dit gud Sit sen di Biärner foar dit Hemmelrik. Dit Ünkrüd sen di Biärner vol van Bosheid.

Matthäus 15:19

For van-t Hart kom ârig Tågten, Doadslåen, Eebrēk, Hureri, Tiweri, falsk Tjügnis, Skreien.

Matthäus 23:13

Wē ju, I skinhellig Skreftlīrten en Farisäers! I slüt dit Hemmelrik tö voar di Lid. I kom diär ek īn, en danen diär in wel, let I ek ingung.

Matthäus 3:7

Diär hi nü vuul Farisäers en Sadducäers tö sin Dööp kommen såg, said hi tö jam: “I Slangenbröd, hokken heed ju wiset, dat I flögt kjen voar Gotts Stråf.

Lukas 11:39

Mar di Herr said tö höm: I Farisäers hoald di Bekkers en Skötteln van bütten riin; man ju Bennerst es vol Roow en Ârigheid.

Lukas 11:52

Wee ju Skreftlirten, aur dat I di Kai tö di Wetenskep haa. I kom diär ek iin, en wäärnet danen, diär iin wel.

Johannes 1:23

Hi sprok: Ik sen di Stem van en Pröst, diär rääpt ön en wööst Ort: Måke di Herr sin Wei törogt, alliküs di Profet Jesaias said heed.

Johannes 8:44

I sen van di Vader di Düwel, en eter ju Våders Lest wel I dö. Disallew es en Mūrdiger van jest Begen of ön, en hi heed ek ön di Wårheid bestönden, for di Wårheid es ek ön höm. Wan hi Lögen sprakt, da sprakt hi van sin Ein; for hi es en Lögner, en di Vader van di Lögen.

Forhandlings 20:30

Uk van ju ein Lid wel er Måner âpstūn me forkirt Lir, om di Jüngers ön sik tö tien.

2 Korinther 11:3

Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.

Galalater 1:7

Wat dag nönt üders es; sönder dat er Sommen sen, diär ju wirrig måket hå, en dit Evangilje forkirt måke wel.

Efeser 4:14

Omdat wü ek moar Biärner sen, en üs wäg en wåge let van ark Windj ön di Lirdom, dör di Skalkheid van di Mensken en Bedraieri, om üs me List tö forfören.

2 Petrus 2:15

Ja forlet di rogt Wei en gung wild, ja föllige Balaams Wei, di Seen van Bosor, welk di Loan foar sin Ünrogtfardigheid lew hed.

1 Johannes 3:8

Hokken Send däd, di es van di Düwel, for di Düwel sendigt van jest Begen of ön. Diärtö es Gottes Seen üs ön Sjün kjemmen, dat hi di Düwel sin Werken fornigtet.