Filipper 3:19 - North Frisian New Testament (Clemens)

¹⁹ Huns Jend es di Fordürwenheid, jar Lif es jar Gott, en di Iar ud tö Skand foar danen, diär Wârlds Sörrig hå.

Filipper 3:19 ပူးပေါင်းရင်းမြစ်များ

Matthäus 16:23

Mar hi kīrt höm om, en said tö Petrus: “Skäd di van mi, Satan, dü måkest mi Argernis, di tinkt nönt om dit, wat voar Gott gelt, mar bi di Mensken wat es.

Matthäus 25:41

Da wel hi si tö danen tö di left Hunđ: “Måke, dat I weg kom, I Forflökten ön dit Jöld, diär ewig brent, en önleid es foar di Düwel en sins Gelikken.

Lukas 12:19

En wel tö min Seel si: Lew Seel, dü heest en gud Voarreed foar vuul Jåren. Hå nü Röst! Iit en drink, en wiis gud tö Mud.

Lukas 16:19

En diär wiär en rik Man, hi kloadet höm me Purpur en fiin Lennen, en lewwet alle Dågen prägtig en ön Frügged.

Lukas 18:4

En lung Tid wilđ hi dit ek; mar diär eter taagt hi bi höm salw: Alhurwel ik nöndt om Gott fråge, en mi voar niin Mensk öntse.

Römer 16:18

For sokken tine ek us Herr Jesus Kristus, mar jar Bük, en dör Etermüdspreken en Smeigelei forleite ja di ünskildjig Harten.

Römer 6:21

Watfoar en Frügt hed I di Tid diärvan? Hurvoar I ju nü skamme; foar di Jend diärvan es di Doad.

1 Korinther 3:3

Wil dat I jit flesklik Mensken sen. For mung ju es Ofgönst, Kiwing en Twedragt; sen I da ek flesklik Mensken, en wandele I da ek eter Menskenwis?

1 Korinther 5:2

En I sen âpblögen, en ha ek vul moar Sörrig drain, omdat di, diär dit Werk dön hed, van ju ütsköt ud.

1 Korinther 5:6

Ju Berop es ek gud. Wet I ek, dat en litjet Süring dit hile Jei sür maket?

2 Korinther 11:12

Mar wat ik dö, en fârder dö wel, dit dö ik diärom, dat ik di Oarsåk dânen wegnem, welk Oarsåk sjuk, omdo ja rüme küd, dat ja wiär, alliküs wü.

2 Korinther 11:15

Diärom es dit nönt Gurts, wan sin Diners sik uk forstel üs Prösters ön di Geregtigheid, huns Jend wis wel eter jår Werken.

Galalater 6:13

For uk ja sallew, welk sik beskiär let, hoald di Wet ek; mar ja wel, dat I ju beskiär let, omdat van ju Flesk sik rüme mai.

Filipper 2:21

For ja sjuk Al dit, wat Jår es, mar ek dit, wat Kristus Jesus sin es.

Kolosser 3:2

Tragte eter dit, wat bowen es, ek eter dit, wat üp di Örd es.

2 Thessaloniker 1:9

Sokken skel Pin lid, die ewig Fordarew van di Herr sin Ansegt, en van sin herrelk Magt.

2 Thessaloniker 2:12

Omdat dit Gerigt aur alle komt, welk di Wårheid ek liw, mar tö di Ünrogtfârdigheid Lest hå.

2 Thessaloniker 2:8

En da skel di Bösewigt ipenbåret ud, welk di Herr ombring wel me di Geist üt sin Müd, en fornigte höm dör di Ipenbåring bi sin Tökomst.

1 Timotheus 6:5

Skulkrakel van sok Mensken, diär tenhaudet sen, en di Wårheid berowet, en min, dat Gottseligheid en Wenning es. Let of van Sokken.

2 Timotheus 3:4

Forreder, rökloas. Âpblögen, welk di Wellest moar lew hå üs Gott.

Jakobus 4:16

Mar nü röme I ju ön ju Hogmud. Al sok Römin es ârig.

2 Petrus 2:1

Mar diär wiär uk falsk Profeten mung dit Volk, üs-er uk mung ju falsk Liärer sen, welk fordürwen Sekten hjemmelk inför wel, en di Herr forlögne wel, diär jam frikopet hed, en ja wel aur sik sallew en hastig Fordârew bring.

2 Petrus 2:13

En ja fo di Loan foar jar Ünrogtfardigheid. Ja agte dit Gudlewwin tö jar Tid foar Wellest, ja sen Skund en Skand heniwen, ja prunke me ju friwellig Gåwen, en prasse van ju Gud.

2 Petrus 2:3

En üt Gits wel ja me falsk Urden Gewenst van ju ha. Mar dit Ordil aur jam es al lung al klar, en jår Fordârew slummert ek.

Judas 1:10

Mar dössen last dit, hurvan ja nönt wēt, en wat ja natürelker Wis kan; diärön fordârwe ja, üs di ünfornünftig Dirten.

Judas 1:16

Ja knorre en klåge stidigs; ja wandele eter jar Lesten, jar Müd es vol van Gurtprålin, en ja agte dit Önsen van di Person om jår ein Voardils wel.

Judas 1:4

For diär sen som Mensken diärbi insleken, van danen voar lung Tid skrewwen es, tö sa en Straf, dit sen gottloas Lid, ja wel Gottes Gnåd mesbrük tö Aurdådigheid, en forlögne Gott, di iningst Hersker, en üs Herr Jesus Kristus.

Ipenbaring 18:7

Sa vul üs jü sik herrelk måket hed, en hör Wēld hed hed, sa vul skänk hör in van Kwoal en Lid; for jü sprakt ön hör Hart: Ik set üs en Könningswüf, en sen nin Inkewüf, en Sörrig skel ik går ek se.

Ipenbaring 19:20

En dit Bēst wåd greppen, en me ditsallew di falsk Profet, diär di Teken död voar höm, dör welk hi dânen, welk dit Markteken önnommen hed van dit Best, en dânen, welk dit Bild van dit Bēst önbödigt. Dös tau wåd biding lewendig ön dit Jöld-Pul smetten, diär me Swåwel brent.

Ipenbaring 21:8

Mar di Forsågten, en Ünglowigen, en Gröggelken, en Murdigers, en Hurern, en Trålen, en Ofgottdiners, en alle Lögners, jar Dil skel wis ön di Pul, diär me Jöld en Swåwel brent, welk es di üder Doad.

Ipenbaring 22:15

For bütten sen di Hünder en di Tråler, en di Hurer, en di Mūrdigers, en di Ofgotsken, en al dânen, diär di Lögen lew hå en dö.