Filipper 3:10 - North Frisian New Testament (Clemens)

¹⁰ Omdat ik höm kän en di Kraft van sin Apstunen, en di Geminskep me sin Liden, omdat ik sin Doad lik ud.

Filipper 3:10 ပူးပေါင်းရင်းမြစ်များ

Matthäus 20:23

En hi said tö jam: “Min Kelk kjen I wel drink, en me di Dö̂p, diär ik me döpet ūd, skel I uk döpet ūd, mar dit Setten tö min rogt Hund en tö min left Hunđ, stånt ek bi mi om tö iwen, üs alining dânen, diär-t van min Våder ön Hemmel töleid es.

Johannes 10:18

Nemmen nemt et van mi, mar ik let et van mi sallew. Ik ha Magt et tö letten, en ha Magt, et weder tö nemmen. Dit Gebot ha ik van min Våder fingen.

Johannes 17:3

Mar dit es dit ewig Lewent: dat ja di, di iningst wårhaftig Gott, en di, diär dü stjürt heest, Jesus Christus, kään.

Römer 8:17

Sen wü da Biärner, da sen wü uk Arwing, nämelk Gottes Arwing, en Kristus sin Mearwing; wan wü me höm Iid, omdat wü uk me höm tö di Herligheid aphewen ud.

Römer 8:29

For danen, diär hi tövoaren küd hēd, hed hi uk bestelt, dat ja sin Seens Voarbild lik wis skuld, omdat hi di Jestgeboren mung vul Brödhem wis skuld.

Römer 8:36

Alliküs as er skrewwen stånt: Om din wel sen wü di hile Dai ön Doadsgefår; wü ud rekent üs Sjip tö Slagting.

2 Korinther 1:10

Diär üs van sa en Doad befrit hed, en üs jit dagligs reddigt; en wü höpe üp höm, hi wel üs uk firder reddige.

2 Korinther 1:5

For alliküs wü om Kristus wel vul Liden ha, sa ud wü uk rikkelk tröstet dör Kristus.

2 Korinther 13:4

En alhurwel hi krütsigt es ön di Swakheid, da lewwet hi dag ön Gottes Kraft. En wan wü uk swak sen ön höm, da lewwe wü dag me höm dör Gottes Kraft ön ju.

Galalater 2:20

Ik lewwe, mar nü dag ik ek, mar Kristus lewwet ön mi. For wat ik nü lewwe ön-t Flesk, dit lewwe ik ön di Glow ön Gottes Seen, diär mi lew hed, en sik sallew foar mi heniwen hēd.

Galalater 6:17

Van nü of ön måke Nemmen mi firder Meit; for ik drai di Markteken van di Herr Jesus ön min Likhäm.

Efeser 4:13

Tödat wü al henkom tö jen Glow en Känels van Gottes Seen, en en volkommen Man ud, diär dit volwugsen Iäler van Kristus hed.

Filipper 3:8

Jå wårelk, ik agt Alles foar Skåd tögen di aurflödig Känels van Kristus Jesus, min Herr, om huns wel ik Alles foar Skåd reken, en agte et foar mi nöntsags, omdat ik Kristus wen.

Kolosser 1:24

Nü frügge ik mi ön min Liden, wat ik foar ju lid, en måke dit vol, hur-t jit wånt ön Bedrüwwetheid ön Kristus, foar sin Likhäm, welk dit Geminte es.

Kolosser 2:13

En hed ju uk me höm lewendig måket, üs I doad wiär on ju Send, en ön di Voarhid van ju Flesk, en hi hēd üs alle Send foriwen.

Kolosser 3:1

Wan I nü me Kristus âpstönden sen, da sjuk di Dinge, diär bowen sen, hur Kristus es, hur hi set tö Gottes rogt Hund.

1 Petrus 1:3

Gott en di Våder van üs Herr Jesus Kristus wis lowet, diär üs eter sin gurt Barmhartigheid wedergeboren hēd tö en lewendig Höpning, dör Jesus Kristus sin Apstunen van Doaden.

2 Petrus 1:13

For ik hoald dit foar rogt, sa lung ik ön dit Höt une, ju aptöwäken en tö tänken helpen.

1 Johannes 2:3

En diärbi mark wü, dat wü höm kän, wan wü sin Geboten hoald.

1 Johannes 2:5

Mar hokken sin Urd halt, ön höm es wårelk di Lewde tö Gott volkommen. Diärbi kan wü, dat wü ön höm sen.

Ipenbaring 1:18

En di Lewendig. Ik wiär doad, en se, ik sen lewendig van Ewigheid tö Ewigheid. Amen. En ik ha di Kaier van di Hel en di Doad.