Filipper 2:3 - North Frisian New Testament (Clemens)

³ Dö nin Ding dör Strid of Rumsjugt, mar dör Töreghoalden agte I arküder, di jen di üder hoger, üs sik sallew.

Filipper 2:3 ပူးပေါင်းရင်းမြစ်များ

Lukas 18:14

Ik si ju: Dös ging rogtfardigt diäl ön sin Hüs, man di jünđer ek. For hokken höm salw forhogert, di wel forligert ud; en hokken höm salw forligert, di wel forhogert ud.

Römer 12:10

Hå en hartlik Lēwde tö arküder üs Brödhem. Di Jen mut di Üder voargung, om höm di Iär tö bewisin.

Römer 13:13

Let üs iärbar wandele, üs bi lägt Dai, ek ön Freten en Drunkenheid, ek ön Slipkåmers en Legtfardigheid, en ön Strid en Ofgönst.

Römer 2:8

Mar danen, diär wederspenstig sen, en di Wårheid ek harke wel, mar föllige eter Üngeregtigheid Wredheid en Üngnad.

1 Korinther 15:9

For ik sen di ringst van di Aposteler, sa dat ik ek wert sen, en Apostel nämt tö uden, diärom dat ik Gotts Geminte forfölligt hå.

1 Korinther 3:3

Wil dat I jit flesklik Mensken sen. For mung ju es Ofgönst, Kiwing en Twedragt; sen I da ek flesklik Mensken, en wandele I da ek eter Menskenwis?

2 Korinther 12:20

For ik fürgte, wan ik kom, dat ik ju ek sa findj, üs ik et ha wel, en I mi uk ek sa findj, üs I mi ha wel; dat er ek Ünjensheid, Nidskheid, Fortörning, Strid, Sladder, Instokin Apblögenheid, Aprör diär es.

Galalater 5:15

Mar wan I arküder bit en frēt, da se tö, dat ik arküder ek apit.

Galalater 5:26

Let üs ek gitsig wis eter idel Iär, om üs tögen arküder aptöhitsen en tö håtin.

Efeser 4:2

Me al Töreghoalden en Sagtmudigheid, me Geduld, en forlikke ju me arküder ön di Lewde.

Efeser 5:21

En wis arküder önderdånig ön di Gottesfürgt.

Filipper 2:14

Dö Alles sönder Knorrin, en sönder Twiwel.

Kolosser 3:12

Sa ti da nü ön üs di Ütwäleten, Gottes Helligen en Lewsten, hartlik Erbarmen, Frindelkheid, Demud, Sagtmudigheid, Geduld.

Kolosser 3:8

Mar nü li I dit Alles of van ju, Törn, Grim, Bosheid, Spot, ful Snak üt ju Müd.

1 Timotheus 6:4

Di es âpblögen, en wēt nönt, mar es krånk ön Fragin en Urdkrig, hurüt öntstånt Nidskheid, Håt, Lästering, slim Fordagt.

1 Petrus 3:8

Aurhaud wis altermal aurjens ön ju Sen, melidig, brödherlik, barmhartig, frindjelk.

1 Petrus 5:5

Alliksa di Jungen skel di Olderlid harke. Altermal wis mung arküder, di jen di üder, önderdånig, en smük ju me Demud. For Gott wederstånt di Hogfârdigen, mar di Ligmüdigen jewt hi Gnad.