Filipper 2:15 - North Frisian New Testament (Clemens)

¹⁵ Om dat I sönder Tadel en âprogtig sen, en Gottes Biärner, dat I nin Stråf fortinet hå mung dit forkirt en fordürwen Geslegt, mung danen I skin üs Lägter üp di Wârld.

Filipper 2:15 ပူးပေါင်းရင်းမြစ်များ

Matthäus 10:16

Betänk, ik stjür ju üs Sjip med mung di Wolwen. Diärom wiis snoad üs di Slangen, en sönder Falsk üs di Düwwen.

Matthäus 17:17

Mar Jesus swåret en said: “O dü ünglowig (ünglōwsk) en forkirt Slag Lid, hur lung skel ik bi ju wiis? Hur lung skel ik Geduld me ju ha? Bring höm hjårt tö mi.”

Matthäus 5:45

Dat I ju Herr Gott sin Biärner sen, diär sin Sen âpgung let aur di Guden en aur di Arigen, en riin let aur di Rogtfârdigen en Ünrogtfârdigen.

Matthäus 5:48

Diärom skel I volkommen wiis, alliksa üs ju Våder ön Hemmel volkommen es.

Lukas 1:6

Jat wiär albiding frai voar Gott, en ging sönđer Måkel ön al di Herr sin Geboten en Rogten.

Lukas 6:35

Man dag, hå ju Fiinder lew, dö wel en liin, sönđer dat I diärfoar wat höpe; da wel ju Loan gurt wiis, en I sen üüs lewwer Gott sin Biärner. Betäänk, hi es gud tögen Ündankbåren en Ârigen.

Johannes 5:35

Hi wiär en Läägt, diär brent en skintj; en I ha ju en kurt Tid höget aur sin Läägt.

Forhandlings 2:40

Uk me vul Üder Urder betjügt hi-t, en formånet, en sprok: Let ju ofhelp van dös forkirt Lid.

Forhandlings 20:30

Uk van ju ein Lid wel er Måner âpstūn me forkirt Lir, om di Jüngers ön sik tö tien.

Römer 16:19

For ju Harkin es alle Man bekänt uden. Diäraur frügge ik mi om ju wel; en ik wenske, dat I wis sen tö dit Guds, mar jenfoaldig tö dit Arigs.

1 Korinther 1:8

Hi wel ju uk fasthoald bet tö Jend tö, om ek stråfbår tö wisen üp üs Herr Jesus Kristus sin Dai.

2 Korinther 6:17

Diärom gung üt van jam, en sendert ju of, said di Herr, en rör dit Ünrins ek ön, da wel ik ju önnem.

Efeser 5:27

Om höm sallew en Geminte hertöstellen, welk herlik wiär, diär ek en Plak of Skrumpel of desglikken hed, mar dat-s hellig en stråffri wiär.

Filipper 1:10

Dat I prowe mai, wat dit Bäst es, om dat I geregt sen, en sönder Onstöt tö iwen, tö üp di Dai van Kristus.

Filipper 3:6

Ik hå me Iwer dit Geminte forfölligt, eter di Rogtfardigheid van di Wet wiär min Wandel sönder Feiler.

1 Thessaloniker 5:23

Mar hi, di Freds Gott, hellige ju dör en dör, en ju Geist hilental, samt di Seel en di Likhäm mut behölden ud ünskildjig tö üp üs Herr Jesus Kristus sin Tökomst.

1 Timotheus 3:10

En em let jam jest forsjuk, diäreter kjen ja tine, wan ja ünbeskildjigt sen.

1 Timotheus 3:2

En Üpseer skel ünbeskildjigt wis, jen Wüfs Man, nügtern, matig, iärbar, gastfri, legtlirig.

1 Timotheus 5:14

Diärom wel ik, dat di jung Inkewüffen fri, Biärner apti, hüshoald, en di Tögenparti nin Oarsak iw, om tö skreien.

1 Timotheus 5:20

Dânen, diär sik forsendige, stråfe voar al, omdat uk di üdern sik fürgt.

1 Timotheus 5:7

Forkindjige uk dit, omdat ja ünskildjig sen.

Titus 1:6

Wan er Jen ünbeskildjigt es, jens Wüfs Man, diär glowige Biärner hēd, ek ön di Berōp stånt, dat hi rökloas es, of dat hi ek harke wel.

Titus 2:10

Nönt foröntru, mar al gud Truheid bewise, omdat ja di Lir van Gott, üs Seligmåker, ön Alles sire.

Titus 2:15

Lir dit en formåne, en strafe me al Iärnst. Let di van Nemmen foragte.

Hebräer 7:26

For sa en Högpröst skuld wü ha, diär hellig, ünskildjig, sönder Plakken, van di Sender ofsendert wiär, en hoger üs di Hemmel es.

1 Petrus 2:12

En för en gud Wandel mung di Heiden, omdat danen, welk om ju Arigs si, wat ek wår es, üs van Forbrekers, ju gud Dåden se, en Gott prise, wan-t nu ön-t Lägt kom skel.

1 Petrus 2:9

Mar I sen dit ütkwoart Geslegt, dit köstelk Pröstdom, dit hellig Volk, en Volk tö en Eindom, dat I di Dögsomheiden forkindjige skuld van di, diär ju beröpen hed van di Junkens tö sin wunderbarelk Lägt.

2 Petrus 3:14

Diärom, min Lewsten! wil I diäreter tew skel, da wänd Flit ön, dat I voar höm sönder Plakken en sönder Skildj ön Fred befünden ud.

Ipenbaring 2:5

Tänk diärom, hurvan dü offälen best, en dö Bot, en dö di jest Werken. Wan dü dit ek dädst, skel ik ön en Hast kom, en din Lägtstander djälskop van dit Steid, wan dü ek Bōt dädst.

Ipenbaring 3:9

Se, ik let hokken üt Satans Skul kom, diär si, ja sen Juden, en sent ek, mar lög. Se, ik wel jam make, dat ja kom skel, en bödige voar din Fet, en bekän, dat ik di lew hå.