Filipper 1:30 - North Frisian New Testament (Clemens)

³⁰ En I hå disallew Strid, welk I ön mi sen hå, en nü van mi hīr.

Filipper 1:30 ပူးပေါင်းရင်းမြစ်များ

Johannes 16:33

Dit hå ik tö ju spreken, dat I ön mi Fred hå. Ön di Warld hå I Ungst; mar wiis getrost: Ik hå di Wårld aurwünden.

Filipper 1:13

Sadelling dat min Banden ön Kristus ipenbar ud, ön dit hile Rigthüs, en bi di üdern al.

Kolosser 1:29

Diärön ik uk årbede en ring, eter di Wirking van di diär ön mi wirket me Kraft.

Kolosser 2:1

For ik wel, dat I wēt skel, watfoar en Kamp ik hå om ju, en om dânen ön Laodicea, en alle, diär min Ansegt ön-t Flesk ek sen hå.

1 Thessaloniker 2:2

Mar alhurwel wü tövoaren ledden ha, en forsmoait uden sen ön Filippi, (üs I wēt) wiär wü dag likwel blid ön üs Gott, om me gurt Gefår Gottes Evangilje bi ju tö forkindjigen.

1 Timotheus 6:12

Kämfe en gud Kamf ön di Glow, grip eter dit ewig Lewent, hurtö dü uk beröpen best, en bekänt hest en gud Bekänels voar vul Tjugen.

2 Timotheus 4:7

Ik ha en gud Kamf kämfet, en ik hå min Lewentslōp voljendigt, ik hå di Glōw behölden.

Hebräer 12:1

Diärom uk wü, wil wü sa en Hoppen Tjügen rundom üs ha, let üs ofli di Send, welk üs altid önklöwwet, en trâg måket, en let üs låp dör Geduld üp di Kamfbån, welk üs forordnet es.

Hebräer 12:4

For I hå jit ek bet üp-t Blöd wederstönden ön di Strid tögen di Send.

Ipenbaring 12:11

En ja hå di Wenbogt aur höm fingen dör dit Blöd van dit Lum, en dör dit Urd van jar Tjügnis, en hå jar Lewent ek lew hed, bet hen tö di Doad.