Efeser 6:19 - North Frisian New Testament (Clemens)

¹⁹ En foar mi, omdat mi dit Urd iwen ud, en min Müd me frügged ipnet ud, om di Hjemmelkheid van dit Evangilje bekänt tö måkin.

Efeser 6:19 ပူးပေါင်းရင်းမြစ်များ

Forhandlings 13:46

Mar Paulus en Barnabas sprok dristig en fri: Hat wiär nödig, dat Gottes Urd jest tö Ju spreken wåd; mar nü stöt I dit van ju, en agt ju sallew ek wert tö dit ewig Lewent; se, da wänd wat unk tö di Heiden.

Forhandlings 14:3

Da höld jat jam diär nü en Tidlung ap, en lirt frimudig eter di Herr sin Sen, welk dit Urd van sin Gnåd betjügt, en let Teken en Wunder dör jår Hunden ske.

Forhandlings 18:26

Hi stönd ön di Synagoge me gurt Frimudigheid ap tö spreken. Aquilas en Priscilla hjert höm, nōm höm tö sik, en leid höm Gottes Wei jit nauer üt.

Forhandlings 19:8

En hi ging īn ön di Synagoge, sprok me Frimudigheid, en höld tri Mun ön, jam tö liren, en jam tö aurtjügen van Gottes Rik.

Forhandlings 2:4

En ja wåd Al vol /van/ di hellig Geist, en begent tö prötjin me Üder Tungen, sa üs di Geist jam dit jaw üttöspreken.

Forhandlings 28:31

Hi prötjet Gottes Rik, en lirt van di Herr Jesus Christus me al Frimudigheid, en sönder Hender.

Forhandlings 4:13

Mar ja såg Petrus en Johannes jår Frimudigheid en forwundert jam; for ja wiär er wes om, dat jat üngeliärt en slogt Lid wiär, en küd jam uk nog, dat jat me Jesus wessen (wiär) hed.

Forhandlings 4:29

En nü, Herr! lukke üp jar Trüwwin, en īw din Knegter al Frimudigheid, din Urd tö spreken.

Forhandlings 4:31

En üs ja bödigt hed, beweget sik dit Steid, hur ja forsamelt wiär, en /ja/ wåd al vol van di hellig Geist, en sprok Gottes Urd me Frimudigheid.

Forhandlings 9:27

Mar Barnabus nōm höm tö sik, en fört höm hen tö di Apostels, en fortält jam, hurdelling hi üp di Wei di Herr sen hed, en hi me höm spreken hed, en hurdelling hi ön Damaskus di Nom Jesus frimudelk forkindigt hed.

Forhandlings 9:29

Hi sprok uk, en stred sik me di Griken. Mar ja uget diäreter, öm höm omtöbringen.

Römer 15:30

En ik formåne ju, lew Brödhem! dör üs Herr Jesus Kristus, en dör di Lēwde van di hellig Geist, dat I mi help tö striden me Bödigin foar mi tö Gott.

Römer 16:25

Höm nü, diär ju stärk kjen, na min Evangilje en Prötji van Jesus Kristus eter di Ipenbåring van di Hjemmelkheid, wat van di ewig Tid forswügget wessen hēd.

1 Korinther 1:5

Dat I dör höm rik uden sen ön di hile Lir en ön al Wetenskep.

1 Korinther 2:7

Mar wü rede van di hjemmelk forborgen Wisheid van Gott, welk Gott forordnet hed voar di Warld, tö üs Herligheid.

1 Korinther 4:1

Diärfoar hoald üs ark Mensk, nämelk foar Diners van Kristus, en Hüshoalders aur Gottes Hjemmelkheiden.

2 Korinther 1:11

Wan I uk me ju Bödigin üs tö Help kom; omdat foar di Gaw, welk üs iwen es dör vul Personen, uk van vul Personen Dank said ud.

2 Korinther 3:12

Aurdat wü nü sa-n Höp ha, da brük wü vul Frimudigheid ön-t Spreken.

2 Korinther 6:11

O I Korinther! üs Müd hed sik tö ju apdön, us Hart es rum.

2 Korinther 7:4

Ik hå me vul Frimudigheid tö ju spreken, ik rüme mi vul aur ju; ik sen vol van Trost, ik ha aurleidig Frügged ön al üs Bedrüwwetheid.

2 Korinther 8:7

Mar alliküs I ön alle Dingen rik sen — on di Glow, ön dit Urd, en ön di Känels, ön vul Flitigheid, en ön ju Lewde tö üs, sa Skaffe nü uk, dat I uk ön dös Weldåd rik sen.

Efeser 1:9

Hi hed üs di Hjemmelkheid van sin Wel wet letten, üs-t höm håget, en hi dit sik Voarnemmen hed dör höm.

Efeser 3:9

En Arkjen âptöklårin, hurön di Geminskep me di Hjemmelkheid bestånt, wat van di Warlds Begen ön Gott forborgen wessen hēd, diär alle Dinge skåpen hēd dör Jesus Kristus.

Kolosser 2:2

Omdat jar Harten formånet, en me arküder ön di Lewde forbünden ud, tö al Rikdom van Forstand, om Gottes Hjemmelkheid, en di Våders en Kristus tö känen.

Kolosser 4:3

En bödige tö gelik uk foar üs, omdat Gott üs di Dür van dit Urd ipenmåket, om di Hjemmelkheid van Kristus üttöspreken; aur di Skildj ik uk jå bünden sen.

1 Thessaloniker 2:2

Mar alhurwel wü tövoaren ledden ha, en forsmoait uden sen ön Filippi, (üs I wēt) wiär wü dag likwel blid ön üs Gott, om me gurt Gefår Gottes Evangilje bi ju tö forkindjigen.

1 Thessaloniker 5:25

Lew Brödhern! bödige foar üs.

2 Thessaloniker 3:1

Fârder, lew Brödhern! bödige foar üs, dat dit Urd van di Herr ütbredet en priset ud, üs bi ju.

1 Timotheus 3:16

En kündig gurt es di gottselig Hjemmelkheid: Gott es ipenbåret ön-t Flēsk, rogtfardigt ön di Geist, es sen uden van di Engeler, es prötjet uden bi di Heiden, es liwt uden ön di Wârld âpnommen ön di Herlikheid.

Filemon 1:22

Me ditsallew bereite mi en Herbârig; for ik höpe, dat ik dör ju Bödig ju skǟnkt ud.

Hebräer 13:18

Bödige foar üs. Wü tröste üs diärme, dat wü en gud Geweten ha, en bestrewe üs en gud Wandel tö fören bi alle.