Efeser 4:22 - North Frisian New Testament (Clemens)

²² Sa skel I nü ofli di oald Mensk eter di foârige Wandel, diär dör Begiärelkheid ön Dwåling fordârewt.

Efeser 4:22 ပူးပေါင်းရင်းမြစ်များ

Römer 6:6

Aurdat wü wēt, dat üs oald Mensk me höm krütsigt uden es, omdat di Send-Likhäm fornigtet ud, en omdat wü ek moar di Send tine.

Römer 7:11

For di Send nōm Oarsak dör dit Gebot, en forleitet mi en brågt mi di Doad dör dit sallew Gebot.

2 Korinther 11:3

Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.

Galalater 1:13

For I hå wel van min voarige Wandel ön-t Judendom hjert, dat ik aur di Måten Gottes Geminte forfölligt en forwöstet hå.

Efeser 2:3

Önder welk wü uk alle jer wandelt hå ön di Begiärelkheid van üs Flesk, en död di Wel van-t Flesk en di Tagten; en wiär van Natur uk Biärner onder di Wredheid, alliküs di Üdern al.

Efeser 4:17

Nü si ik da en betjüg dit ön di Herr, dat I ek moar wandele üs di Üder Heiden handele eter jår Sens Tåbigheid.

Efeser 4:25

Diärom li di Lögen, en sprek di Wårheid, wil wü arküders Leden sen.

Efeser 4:31

Alle Betterheid en Grimmigheid, en Wrēdheid, en Skreien, en Forspotting wis fir weg van ju, samt alle Bosheid.

Kolosser 2:11

Ön welk I uk beskaren sen, me di Beskjäring, welk sönder Hunden sken es, mar diärdör, dat I di sendelk Likhäm ön-t Flesk ofli, nämelk me di Beskjäring van Kristus.

Titus 3:3

For wü wiär uk tövoaren ünforständig, ünfölligsom, forwildjigt, di Lesten en Wellest heniwen, en wandelt ön Bosheid en Nidskheid, en håtet arküder.

Hebräer 12:1

Diärom uk wü, wil wü sa en Hoppen Tjügen rundom üs ha, let üs ofli di Send, welk üs altid önklöwwet, en trâg måket, en let üs låp dör Geduld üp di Kamfbån, welk üs forordnet es.

Hebräer 3:13

Mar formåne ju sallew alle Dagen, sa lung üs-t delling hjit, om dat er ek hokken mung ju forstokket ud, dör Bedrog van di Send.

Jakobus 1:21

Diärom li alle Fülligheid of en alle Bosheid, en nem dit Urd ön me Sagtmudigheid, wat ön ju plåntet es, wat ju Selen selig måke kjen.

Jakobus 1:26

Mar wan-er hokken mung ju tänkt, hi tinet Gott, en hult sin Tung ek ön Tōm, mar forfört sin Hart, sin Gottestinst es nöntsågs.

1 Petrus 1:18

For I wet, dat I ek me forgängelk Sölwer en Gold erlöset sen van ju aurdådig Wandel, eter di Wis van ju Våders.

1 Petrus 4:3

For hat es nog, dat wü di voarige Tid vant Lewent eter heidnisk Wel töbrågt hå, üs wü wandelt ön Üntügt, Lesten, Drunkenheid, Swalkin, Prasseri, en gröggelk Ofgotteri.

2 Petrus 2:13

En ja fo di Loan foar jar Ünrogtfardigheid. Ja agte dit Gudlewwin tö jar Tid foar Wellest, ja sen Skund en Skand heniwen, ja prunke me ju friwellig Gåwen, en prasse van ju Gud.

2 Petrus 2:7

En hēd di rogtfardig Lot reddigt, welk di fül Lid vul plåget hed me jår Wandel ön Üntügt.