Efeser 4:14 - North Frisian New Testament (Clemens)

¹⁴ Omdat wü ek moar Biärner sen, en üs wäg en wåge let van ark Windj ön di Lirdom, dör di Skalkheid van di Mensken en Bedraieri, om üs me List tö forfören.

Efeser 4:14 ပူးပေါင်းရင်းမြစ်များ

Matthäus 11:7

Diär ja henging, begent Jesus tö prötjin tö di Kär Lid van Johannes: “Hurom sen I ütgingen ön di Wösteni, wat wild I diär sé: Wild I en Reid se, diär di Wind hen en weder weit?

Matthäus 24:11

En vul falsk Profeten skel er da âptrēd en Vulen forfȫr.

Matthäus 24:24

For diär wel falsk Christi en falsk Profeten âpstun, en gurt Teken en Wunder dö, om uk di Ütkuarten, want mögelk wiär, ön di Dwåling to forleiten.

Forhandlings 23:21

Liw jam dag ek; for moar üs vjärdig Man lure üp höm; ja hå sik forswären, ek jer tö iten, en ek tö drinken, bet ja Paulus ombrågt hå; en ja sen nü al redig, en tēw bloat üp Beskid van di.

1 Korinther 12:2

I wēt, dat I Heiden wessen ha, en henging tö di stum Ofgotten, üs I leitet wåd.

1 Korinther 14:20

Lew Brödhem! ud ek Biärner ön di Forstand, mar ön di Bōsheid wis Biärner, en ud mündig ön Insigt.

1 Korinther 3:19

For di Wisheid van dös Warld es Tåbigheid bi Gott. For diär stånt skrewwen, di Wissen fatet hi ön jår Klokheid.

2 Korinther 2:17

For wü sen ek sokken, üs Sommen vul, diär Gotts-Urd forfälske, mar ön Aprogtigheid, en üt Gott, voar Gott, sprek wü ön Kristus.

2 Korinther 4:2

Mar wü nem üs ön Agt voar hjemmelk Skand, en gung ek me Skalkheid om, forfälske uk ek Gotts-Urd, mar wü ipenbåre di Wårheid, en bewise üs âprogtig tögen dit Geweten van alle Mensken, voar Gott.

Galalater 3:1

O I ünforständig Galater! Hokken hed ju betrålet, dat I di Wårheid ek harke? Jesus Kristus wiär ju voar Ogen stelt, en nü ud hi mung ju krütsigt.

Efeser 6:11

Ti de Rösting van Gott ön, omdat I stun kjen tögen di listig Önlöp van di Düwel.

1 Timotheus 3:6

Ek en Niling, omdat hi sik ek âpblogt, en ön dit Ordil van di Düwel falt.

2 Timotheus 1:15

Dit wetst dü, dat alle, welk ön Asien sen, sik van mi ofwänt ha; mung dânen sen Fygellus en Hermogenes.

2 Timotheus 3:13

Me di gottloas Mensken en Forförers ūdt jå lǟnger, ja ariger, ja forför, en ud forfört.

2 Timotheus 4:3

For diär wel en Tid kom, dat ja di sünd Lir ek fordrai kjen, mar eter jår ein Lest wel ja jam sallew Liärers forskaffe, sa üs jam di Oaren jöke.

Hebräer 13:9

Let ju ek me manningerlei en främed Lir ombidriw. For hat es gud, dat dit Hart stark ud dör di Gnad, ek dör di Spisen, hurvan dânen nin Net hå, welk sik diärön hoald.

Jakobus 1:6

Mar hi mut bed ön sin Glōw, en ek twiwele. For hokken twiwelt, di es alliküs di Woge ön di See, welk van di Winj drewwen en rollet ud.

Jakobus 3:4

Lukke eter di Skepen, alhurwel ja sa gurt sen, en van hart Windjen drewwen ud, da ud ja dag stjurt me en litj Röder, en mut diärhen får, sa üs di Stjürman wel.

2 Petrus 2:18

For ja sprēk stolt Urder, diär em ek üp rekene kjen; en lokke dör Üntügt tö di Wellest ön-t Flesk dânen, welk warelk flögt wiär van dânen, diär nü ön di Dwåling wandele.

1 Johannes 2:19

Ja sen van üs ütgingen, mar ja wiär ek van üs; for wan ja van üs wessen hed, da wiär ja bi üs blewwen; mar hat skuld ipenbar ud, dat ja ek al van üs sen.

1 Johannes 2:26

Döt ha ik ju skrewwen van danen, diär ju forför.

1 Johannes 4:1

I Lewsten! liw ek ark Geist, mar prowe di Geister, ofs van Gott sen; for diär sen vul falsk Profeten ütgingen ön di Warld.

Judas 1:12

Sok Fülfattigen prasse bi ju Lewde-Miältiden van ju Gåwen sönder Fürgt, en weide sik sallew; ja sen Wolken sönder Weter, van di Windj ombidrewwen, kål, ünfrügtbår Bomer, taumal sturwen, en ütrottet.

Ipenbaring 19:20

En dit Bēst wåd greppen, en me ditsallew di falsk Profet, diär di Teken död voar höm, dör welk hi dânen, welk dit Markteken önnommen hed van dit Best, en dânen, welk dit Bild van dit Bēst önbödigt. Dös tau wåd biding lewendig ön dit Jöld-Pul smetten, diär me Swåwel brent.