Efeser 3:15 - North Frisian New Testament (Clemens)

¹⁵ Hi es di rogt Vader aur Alles, wat Biären hjit ön Hemmel en üp di Örd.

Efeser 3:15 ပူးပေါင်းရင်းမြစ်များ

Forhandlings 11:26

En üs hi höm foand, brågt hi höm hen tö Antiochien. En jat blew en hil Jår bi dit Geminte, en lirt vul Volk; en diäraur wad di Jüngers ollerjest ön Antiochien Christen nämt.

Efeser 1:10

Omdat et forkindjigt wåd, üs di Tid tö folling kam, en omdat alle Dinge töhop onder jen Opperhaud såmelt wåd, bid wat ön Hemmel en üp di Örd es dör höm sallew.

Efeser 1:21

Aur alle Förstendommen, Gewalt, Magt, Herskep, en Alles, wat er nämt ud mai, en alining ön dös Warld, mar uk ön di tökommen.

Efeser 3:14

Om di Wel büg ik min Knebiner voar di Vader van üs Herr Jesus Kristus.

Efeser 3:16

Dat hi ju Kraft jewt eter sin Rikdom van sin Herligheid, om dör sin Geist stark tö uden ön di inwendig Mensk.

Kolosser 1:20

En dat hi Frēd måket dör dit Blöd ön sin Krüts, dör sik sallew, en alle Dinge dör höm forsönet wåd tö höm sallew, hat mai üp di Örd, of ön Hemmel wis.

Ipenbaring 2:17

Hokken Oaren hēd, di hir, wat di Geist tö di Geminten said: Hokken aurwent, höm wel ik tö iten iw van dit forborgen Manna, en ik wel höm en wit Stin iw, en üp di wit Stin en ni Nōm skriw, welk Nemmen känt, üs di diär en faid.

Ipenbaring 3:12

Hokken aurwent, di wel ik tö en Piller ön min Gottes Tempel måke, en hi skel ek moar diärüt gung. En ik wel min Gottes Nom üp höm skriw, en di Nom van dit ni Jerusalem, min Gottes Stad, diär van Hemmel diälkomt, van min Gott, en van min ein ni Nom.