Efeser 2:3 - North Frisian New Testament (Clemens)

³ Önder welk wü uk alle jer wandelt hå ön di Begiärelkheid van üs Flesk, en död di Wel van-t Flesk en di Tagten; en wiär van Natur uk Biärner onder di Wredheid, alliküs di Üdern al.

Efeser 2:3 ပူးပေါင်းရင်းမြစ်များ

Markus 4:19

En di Warldssörrig, en di Begjärelkheid na Rikdom, en di Forföring eter jår Wellest geid ön jam īn, en kwewe dit Urd, en hat blewt ünfrügtbar.

Johannes 1:13

Welk ek van dit Blöd sen, nog van Fleesk Wel, nog van en Mans Wel, mar van Gott geboren sen.

Johannes 8:44

I sen van di Vader di Düwel, en eter ju Våders Lest wel I dö. Disallew es en Mūrdiger van jest Begen of ön, en hi heed ek ön di Wårheid bestönden, for di Wårheid es ek ön höm. Wan hi Lögen sprakt, da sprakt hi van sin Ein; for hi es en Lögner, en di Vader van di Lögen.

Forhandlings 14:16

Diär ön di forleden Tid hēd di Heiden wandele letten jår ein Wei.

Römer 1:24

Diärom hed Gott jam uk heniwen ön jar Wellest, en Ünrinheid, en Skanddåden, hurme jar ein Lewent en Likhäm skänd ud.

Römer 11:30

For alliksa üs I tövoaren ek liwt hå ön Gott, mar nü ha I Barmhartigheid dör jår Unglōw fingen.

Römer 13:14

Mar ti di Herr Jesus Kristus ön, en forsörrige ju Flēsk, mar let et ek geil ud.

Römer 2:14

For di Heiden, diär di Wet ek ha, en dag van Natur din Werken eter di Wet dö, danen sen, aurdat ja di Wet ek ha, foar jam sallew en Wet.

Römer 5:10

For wan wü me Gott forsönet sen dör sin Seens Doad, üs wü jit Finder wiär; vulmoar skel wü selig ud dör sin Lewent, wan wü nü me höm forsönet sen.

Römer 5:9

Om sa vul moar skel wü dör höm bewåret ud voar Gottes Wredheid, aurdat wü dör sin Blöd rogtfardig uden sen.

Römer 6:12

Let van nü of ön di Send ek moar herske ön ju sterwelik Likhäm, om di Girigheid van di Wellest tö harkin.

Römer 7:18

For ik wēt, dat ön mi, dit es ön min Flēsk, unet nönt Guds. Din Wel hå ik nog, mar om dit Guds tö dön, dit formai k ek.

Römer 9:22

Diärom, dat Gott sin Wredheid wise, en sin Magt ipenbåre wild, hed hi me gurt Geduld sin Wredheids Fåten drain, diär törogtmåket wiär tö di Fordamnis.

1 Korinther 4:7

For hokken hed di voartein? en wat hest dü, wat du ek fingen hest? Mar wan dü dit dag fingen hest, wat römest dü di da, alliküs dü dit ek fingen hedst.

2 Korinther 7:1

Wil dat wü nü sa-n Tölöwing hå, min Lewsten! da let üs van alle Plakken on-t Flēsk en ön di Geist üs renske, en fortfår me di Helligheid ön Gottesfürgt.

Galalater 3:22

Mar di Skreft hed dit Alles beslöten önder di Send, omdat di Tölöwing kam dör di Glow ön Jesus Kristus, welk dânen iwen ud, diär liw.

Efeser 2:2

Hurön I jer wandelt hå, nå di Warlds Löp, en na di Först, diär ön di Logt hersket, nämelk nå di Geist, welk tö dös Tid sin Werk hēd ön di Biärner, welk ünglowsk sen.

Efeser 4:22

Sa skel I nü ofli di oald Mensk eter di foârige Wandel, diär dör Begiärelkheid ön Dwåling fordârewt.

Kolosser 1:21

En ju, diär I jer främed en findsk wiär, dör di Forstand ön arig Dåden.

1 Thessaloniker 4:13

Wü wel, lew Brödhern! ju dit ek forswügge van danen, welk slip, omdat I ek bedrüwwet sen, alliküs di üdern, diär nin Höp hå.

1 Thessaloniker 5:6

Sa let üs nü ek slip, üs di üdern, mar let üs wåke en nügtern wis.

1 Timotheus 6:9

For dânen, diär rik ud wel, fål ön Forsjuk en Strik, en vul tabig, fordârwelik Begjärligheden, welk di Mensken ön Fordarew en Fordamnis stört.

Titus 3:3

For wü wiär uk tövoaren ünforständig, ünfölligsom, forwildjigt, di Lesten en Wellest heniwen, en wandelt ön Bosheid en Nidskheid, en håtet arküder.

1 Petrus 1:14

Üs Biärner, diär frai harke, en stel ju ek alliksa üs tövoaren, üs ju jit ünwis wiär, en ön Wellest lewwet.

2 Petrus 2:14

Hå Ogen vol van Hureri, let jam ek ofhoald van di Send, lokke di legtfardigen Selen tö sik, hå en Hart, volproppet van Gits, hat sen Lid, welk forflökt ud.

2 Petrus 2:18

For ja sprēk stolt Urder, diär em ek üp rekene kjen; en lokke dör Üntügt tö di Wellest ön-t Flesk dânen, welk warelk flögt wiär van dânen, diär nü ön di Dwåling wandele.

1 Johannes 2:16

For Alles, wat ön di Warld es, nämelk di Lest ön-t Flesk, en Ogen-Lest, en di Lewents Hogfârdigheid, es ek van di Våder, mar van di Warld.

1 Johannes 2:8

Alweder skriw ik ju en ni Gebot, wat wårhaftig es bi höm en bi ju; for dit Junkens es weggingen, en dit wårhaftig Lägt skintj nü.