Efeser 2:15 - North Frisian New Testament (Clemens)

¹⁵ Nämelk di Wet, welk ön Geboten stelt wiär; omdat hi üt tau en ni Mensk ön höm sallew skaffet, en Fred måket.

Efeser 2:15 ပူးပေါင်းရင်းမြစ်များ

2 Korinther 5:17

Diärom, wan er hokken ön Kristus es, da es hi en ni Skåpning, dit oald es forgingen, hat es Alles ni uden.

Galalater 3:10

For dânen, diär me di Werken na di Wet omgung, sen onder de Flök. For diär stånt skrewwen: Forflökt es Arkjen, diär ek blewt ön al di Dinge, welk ön dit Wetbok skrewwen stun, dat hi-s däd.

Galalater 3:28

Hjir es nogweder Jud, of Grik, hjir es nogweder Knegt, of fri Man, hjir es nogweder Man, of Wüf; for I sen altermal jen ön Kristus Jesus.

Galalater 6:15

For ön Kristus Jesus gelt nogweder Beskiäring, of Voarhid wat, mar en ni Kreatur.

Efeser 2:10

For wü sen sin Werk, skåpen ön Kristus Jesus tö gud Werken, hurtö Gott üs tövoaren bereitet hed, omdat wü diärön wandele skuld.

Efeser 2:14

For hi es üs Frēd, diär üt biding jen måket hed, en hed di Turn wegbreken, welk diärtwesken wiär, omdat hi dör sin Flēsk di Findskep wegnom.

Efeser 2:16

En dat hi biding forsönet me Gott ön jen Likhäm, dör dit Krüts, en hed di Findskep doad maket dör sik sallew.

Efeser 4:16

Üt welk di hile Likhäm töhop fuget es, en di jen Led ön di Üder hinget, dör alle Lǟnken, hurdör di jen di Üder Kraft medilet, eter dit Werk van ark Led ön sin Måt, en måket, dat di Likhäm wugset tö sin ein Aprogting, en dit Alles ön di Lewde.

Kolosser 2:14

En hi hēd di Handskreft fortilgt, diär tögen üs wiär, welk ön Fastsätings bestönd, en üs öntögen wiär, en hēd disalwigen üt di Medden wegnommen, en ön dit Krüts fastspikkert.

Kolosser 2:20

Wan I nü di Fastsätings van di Wârld ofstürwen sen me Kristus, wat let I ju da fang me di Fastsätings, alliküs dat I jit ön di Wârld lewwe?

Kolosser 3:10

En ti di ni Mensk ön, diär fornit ud tö di Känels, eter Iwenbild van di, diär en skåpen hēd.

Kolosser 3:11

Diär es ek Grik, Jud, Beskjäring, Voarhid, Bütlönder, Scythe, Tinstknegt, fri Man; mar Kristus es Alles ön Al.

Kolosser 3:15

En Gottes Fred regire ön ju Harten, hurtö I uk beröpen sen ön jen Likhäm, en wis dankbar.

Hebräer 7:16

Welk ek eter di Wet van dit Flēsk-Gebot måket es, mar eter di Kraft van dit ünforgängelk Lewent.

Hebräer 8:13

Üs hi said: En ni Testament, sa hēd hi dit Jest oald måket; mar dit wat oald en aurjarig es, dit es nai bi sin Jend.

Hebräer 9:23

Sa wiär dit nü en Noadsåk, dat di Voarbilder van di Dingen, diär ön Hemmel sen, rensket wåd. Mar di Hemmels-Dingen sallew mast beter Åfer hå, üs dössen.