Efeser 1:18 - North Frisian New Testament (Clemens)

¹⁸ Nämelk lägt Ogen bi ju Forstand, dat I wēt mai, wat di Höp es, hurtö hi ju röpen hēd, en welk di Rikdom es van sin herrelk Arfdil mung di Helligen.

Efeser 1:18 ပူးပေါင်းရင်းမြစ်များ

Matthäus 13:15

For döt Volk sin Hart es forstokket, en jår Oaren sen harthirig, en jår Ogen hå ja tölöken, omdat ja older ek me Ogen se, en me di Oaren hir, en me dit Hart forstun, en jam bekir, dat ik jam help.

Markus 10:17

En diär ja ütgingen wiär üp di Wei, lööp er jen voarüt, en fråget höm: Gud Meister, wat skel ik dö, dat ik dit ewig Lewent arwe kjen?

Lukas 24:45

Diär maaket hi jam di Forstand ipen, dat ja di Skreft forstönđ.

Forhandlings 16:14

Mung di Wüffen, welk töhjert, wat wü sprok, wiär en gottesfürgtig Wüf, me Nom Lydia, en Purpurkråmerske, van di Stad Thyatira; hör maket di Herr dit Hart ipen, dat ja diärüp let, wat van Paulus spreken wåd.

Forhandlings 26:18

Om jam di Ogen tö ipenen, dat ja van di Junkens tö dit Lägt, van Satans Gewalt tö Gott sik bekir, omdat ja dör di Glow ön mi Foriwing foar jår Send fo mai, en dit Arwdil me di Helligen.

Römer 11:29

Gottes Gnadengåwen en Innödigen skel jam ek fortröt.

Römer 2:4

Of foragtest dü sin gurt Rikdom van Gudheid, Geduld, Fordragsomheid? Wetst dü ek, dat Gottes Gudheid di tö Bekiring leitet?

2 Korinther 4:4

Mar di Ünglowigen, huns Forstand di Warlds-Gott forblänt hēd, se dit klar Lägt van dit Evangilje ek, ja se ek di Klårheid van Kristus, diär Gottes Bild es.

2 Korinther 4:6

For Gott, diär said, dat dat dit Lägt üt di Junkheid skin skuld, hēd en lägt Skin ön ju Harten iwen, omdat dör üs dit Lägtens van di Känels öntstönd, nämelk van Gottes Herrelkheid ön Jesus Kristus.

Galalater 5:5

Mar wü sen dör di Geist ön di Glow di Rogtfardigheid forwagten, hurüp wü höpe mut.

Efeser 1:11

Dör höm ha wü uk dit Arfdil fingen, sa üs dir bestemmet wiär, eter sin Beslütning, diär alle Dinge wirket eter di Red van sin Wel.

Efeser 1:7

Ön höm ha wü di Loaslising dör sin Blöd, nämelk di Foriwing van Send, eter di Rikdom van sin Gnad.

Efeser 2:12

Dat I tö di sallew Tid sönder Kristus wiär, främed van Israels Borgerskep, en främed van di Testamenten me di Tölöwing, en nin Höp hed, en wiär sönder Gott ön di Warld.

Efeser 3:16

Dat hi ju Kraft jewt eter sin Rikdom van sin Herligheid, om dör sin Geist stark tö uden ön di inwendig Mensk.

Efeser 3:8

Dös Gnad es mi, di ollerringst van alle Helligen, iwen, om mung di Heiden di ünrandsåkelik Rikdom van Kristus tö forkindjigen.

Efeser 4:1

Ik Gefangener ön di Herr formåne ju nü, dat I wandele, üs-t sik gebört nå ju Berōp, hurön I röpen sen.

Efeser 4:4

Jen Likhäm, en jen Geist, üs I uk beröpen sen üp ju Höpning van ju Berōp.

Efeser 5:8

For I wiär jer ön Junkens, mar nü sen I en Lägt ön di Herr.

Filipper 3:14

Jk ile eter dit fastsät Bop, eter di Pris, hurtö Gott üs röpen hēd van Hemmel ön Kristus Jesus.

Kolosser 1:12

En si Dank tö di Våder, diär üs tügtig måket hēd tö dit Arfdil, wat di Helligen ön-t Lägt tösaid es.

Kolosser 1:23

Wan I ön di Glow bliwt, fast ön di Gründ, en pal ön di Höp van-t Evangilje, wat I hjert hå, wat tö alle Kreaturen prötjet uden es, diär önder di Hemmel sen, bi welk ik Paulus en Diner uden sen.

Kolosser 1:27

Welk Gott bekänt måke wild, wat di herrelk Rikdom van di Hjemmelkheid mung di Heiden es, welk Kristus ön ju es, en hi es di Höpning van di Herligheid.

Kolosser 1:5

Foar di Höp, diär ju töleid es ön Hemmel, hurvan I al tövoaren hjert hå dör dit Urd van di Wårheid ön-t Evangilje.

Kolosser 2:2

Omdat jar Harten formånet, en me arküder ön di Lewde forbünden ud, tö al Rikdom van Forstand, om Gottes Hjemmelkheid, en di Våders en Kristus tö känen.

Kolosser 3:15

En Gottes Fred regire ön ju Harten, hurtö I uk beröpen sen ön jen Likhäm, en wis dankbar.

1 Thessaloniker 2:12

En betjügt hå, dat I skel wördig wandele voar Gott, diär ju beröpen hed tö sin Rik, en tö sin Herrelkheid.

1 Thessaloniker 5:8

Mar wü Dais-Biärner skel nügtern wis, me di Brestwapen van di Glōw öntein, en di Lewde, en me di Helm, di Höp tö di Seligheid.

2 Thessaloniker 1:11

Om di wel bödige wü uk altid foar ju, dat üs Gott ju wördig måket tö di Berōp, en dit Welhågin van sin Gudheid vol måket, en dit Werk van di Glow me Kraft.

2 Thessaloniker 2:16

Mar hi, üs Herr Jesus Kristus, en Gott en üs Våder, diär üs lew hed, en üs en ewig Trost en en gud Höpning üt Gnaden iwen hēd.

1 Timotheus 6:12

Kämfe en gud Kamf ön di Glow, grip eter dit ewig Lewent, hurtö dü uk beröpen best, en bekänt hest en gud Bekänels voar vul Tjugen.

Titus 2:13

En tew eter di selig Höpning en Sjün van di Herligheid, hurön Gott en üs Selikmaker Jesus Kristus stråle.

Titus 3:7

Omdat wü dör disallew Gnad rogtfârdig sen, en Arwing tö dit ewig Lewent eter di Höp.

Hebräer 10:32

Mar tänk om di voarige Dågen, eter dat I âplägt wiär en hart Kamf ön gurt Liden üthölden hå.

Hebräer 6:4

For hat es ünmögelk, dat dânen, welk jenmål âplägt sen, en di Hemmels Gåw smakt hå, en di hellig Geist dilhaftig uden sen.

1 Petrus 1:3

Gott en di Våder van üs Herr Jesus Kristus wis lowet, diär üs eter sin gurt Barmhartigheid wedergeboren hēd tö en lewendig Höpning, dör Jesus Kristus sin Apstunen van Doaden.

1 Petrus 3:9

Forgelt ek Arigs me Arigs, of Skellen me Skellen; mar diärtögen segene, en wēt, dat I diärtö beröpen sen, omdat I di Segen arwe.

1 Petrus 5:10

Mar Gott aller Gnäden, diär üs beröpen hed tö sin ewig Herrelkheid ön Kristus Jesus, disallew wel ju, wan I en kurt Tid leden ha, volmåke, stark, kraftige, en gründige.