2 Petrus 3:11 - North Frisian New Testament (Clemens)

¹¹ Wan nü dit Alles forgung skel, hurdelling skekket et sik da foar ju, ön en hellig Wandel en Gottesfürgt tö lewwin?

2 Petrus 3:11 ပူးပေါင်းရင်းမြစ်များ

Matthäus 8:27

Mar di Mensken forwunđnert jam en said: “Wat foar en Man es dit, for Winđ en Weter harke höm jå!”

Römer 13:11

En wü wü dit wēt, nämelk de Tid, dat de Stünd nü diär es, van di Slip âptöwåkin, omsa vul moar, dat di Seligheid nü naier es, üs diär wü jest liwt.

Römer 13:12

Di Nagt es forgingen, en di Dai es naibi kjemmen. Diärom let üs ofli di Werken ön Junkheid, en önti di Werken bi Lägt.

2 Korinther 1:12

For üs Iär bestånt diäron, nämelk dit Tjügnis van üs Geweten, dat wü ön Jenfoaldigheid en Aprogtigheid voar Gott, ek ön Wisheid na dit Flēsk, mar ön Gottes Gnad üp Warld wandelt ha, en foar-t mist bi ju.

Filipper 1:27

Wandelt iärbår eter dit Evangilje van Kristus, om dat, wan ik kom, om ju tö sen, of wan ik fir van ju hir, dat I stun ön jen Geist en ön jen Gemüt, en me samt üs strid foar di Glōw ön-t Evangilje.

Filipper 3:20

Mar üs Wandel es ön Hemmel, hurvan wü uk di Seligmåker forwagten sen, nämelk üs Herr Jesus Kristus.

1 Thessaloniker 1:5

Dat üs Evangilje bi ju wessen hēd, ek alining önt Urd, mar biding ön di Kraft en ön di hellig Geist, en ön gurt Sekerheid, üs I wēt, hurdelling wü wessen hå mung ju om ju wel.

1 Timotheus 3:16

En kündig gurt es di gottselig Hjemmelkheid: Gott es ipenbåret ön-t Flēsk, rogtfardigt ön di Geist, es sen uden van di Engeler, es prötjet uden bi di Heiden, es liwt uden ön di Wârld âpnommen ön di Herlikheid.

1 Timotheus 4:12

Nemmen foragt din Jungheid, mar wis dü en Voarbild foar di Glowigen ön-t Urd, ön di Wandel, ön di Lewde, ön di Geist, ön di Glow, ön di Rinheid.

1 Timotheus 6:11

Mar dü Gottes-Mensk flögt voar sok Dingen; strewe eter di Geregtigheid, di Gottseligheid, di Glow, di Lewde, di Geduld di Sagtmudigheid.

1 Timotheus 6:3

Mar wan er hokken üders lirt, en blewt ek bi di sünd Urder van üs Herr Jesus Kristus, en bi di Lir van di Gottseligheid.

1 Timotheus 6:6

Mar hat es en gurt Wenning, hokken gottselig en diärbi gnügsom es.

Hebräer 13:5

Di Wandel skel sönder Gits wis, en wis töfred me dit, wat diär es, for hi hēd said: Ik wel di ek forlet nog forsümme.

Jakobus 1:24

For eter dat hi sik beskauet hēd, geid hi metjens diärvan, en aurjät, hurdelling hi Ütsåg.

Jakobus 3:13

Hokken es wis en klōk mung ju? Di bewise me sin gud Wandel sin Werken Sagtmudigheid en Wisheid.

1 Petrus 1:15

Mar eter di, diär ju beröpen hed, en hellig es, skel I uk hellig wis, ön al ju Wandel.

1 Petrus 2:12

En för en gud Wandel mung di Heiden, omdat danen, welk om ju Arigs si, wat ek wår es, üs van Forbrekers, ju gud Dåden se, en Gott prise, wan-t nu ön-t Lägt kom skel.

2 Petrus 1:3

Alliküs dör Gottes Kraft üs Allerlei, (wat tö dit Lewent en Gottesfürgt tinet) skänkt uden es, dör di Känels van di, diär üs beröpen hed dör din Herrelkheid en Dögd.

2 Petrus 1:6

En bi di Känels Måthoalden, en bi dit Måthoalden Geduld, en bi di Geduld Gottesfürgt.

2 Petrus 3:10

Mar di Herr sin Dai skel kom üs en Tif ön di Nagt, da skel di Hemmel forgung me en gurt Skrappel, di Elemente skel ön Brand kom en smel, en di Örd en di Werke, welk diärön sen, skel forbren.

2 Petrus 3:12

Dat I tēw en ile tö di Tökomst van di Herr sin Dai, wan di Hemmel dör Jöld forgung, en di Elemente ön di Hit smelt ud.