2 Korinther 7:11 - North Frisian New Testament (Clemens)

¹¹ Betank ditsalwige, dat ju Bedrüwwetheid, üs-t Gott gefallt, watfoar en Flit dit ön ju wirket hed, diärtö Forswåring, Fortörning, Furgt, Forlangen, Iwer, Wrög? I ha ju ön al dös Dingen bewiset, dat I rin sen ön di Dåd.

2 Korinther 7:11 ပူးပေါင်းရင်းမြစ်များ

Markus 3:5

En hi såg jam ön rund ombi me Wredheid, en hi wåd bedrüwwet aur jar Forstoktheid önt Hart, en said tö di Mensk: “Strek din Hund üt.” En hi strakt en üt en di Hund wåd sünd, alliküs di üder.

Johannes 2:17

En sin Lirlings kâm-t ön Sen, üs er skrewwen stånt: Di Iwer om din Hüs heed mi âpfreten.

Forhandlings 17:16

Wildt Paulus jam ön Athen forwagten wiär, kâm hi ön gurt Jwer, üs hi di Stad sa vol van Ofgottsbilder såg.

Römer 11:20

Dit es wel said. Ja sen ofbreken uden, om jår Ünglōws wel. Mar dü stånst dör di Glow; wis ek stolt, mar fürgt di.

Römer 14:18

Hokken Kristus diärön tinet, di håget Gott, en es bi di Mensken welledden.

Römer 3:5

Wan nu üs Üngeregtigheid Gottes Geregtigheid bewiset, wat skal wü si? Es Gott ünrogtfardig, dat hi diäraur fertörnt ud? Ik sprēk, alliküs di Mensken plei tö spreken.

1 Korinther 12:25

Omdat er nin Klodder ön di Likhäm öntstunt, mar di Led lik vul Sörrig foar arküder drai skuld.

1 Korinther 5:13

Mar Gott wel danen, diär bütten sen, rigte. Skaffe di Bösewigt weg van ju.

1 Korinther 5:2

En I sen âpblögen, en ha ek vul moar Sörrig drain, omdat di, diär dit Werk dön hed, van ju ütsköt ud.

2 Korinther 13:7

En ik bed Gott, dat I nönt Arigs dö; ek diärom, omdat wü foar tügtig önsen ud; mar omdat I dit Guds dö, en wü üs di Üntügtigen sen.

2 Korinther 2:6

Mar hat es nog, dat hi van sa Vulen sa strafet uden es.

2 Korinther 6:4

Mar foar allen Dingen let üs, om wel leden tö uden, üs bewise üs Diner Gottes ön gurt Geduld, on Trungheid, ön Noad, ön Benautheid.

2 Korinther 7:1

Wil dat wü nü sa-n Tölöwing hå, min Lewsten! da let üs van alle Plakken on-t Flēsk en ön di Geist üs renske, en fortfår me di Helligheid ön Gottesfürgt.

2 Korinther 7:7

Mar ek alining dör sin Önkomst, mar uk dör di Trost, hurme hi tröstet wåd aur ju, en uk üs ju Forlangen fortelt, ju Skroalin, en ju Iwer om mi, sa dat ik mi jit moar frügget.

2 Korinther 7:9

Da frügge ik mi dag nü, ek diäraur dat I bedrüwwet uden sen, mar aurdat I bedrüwwet uden sen tö Bekiring. For I sen üp en Wis bedrüwwet uden, üst Gott håget, omdat I van üs ön nin Ding Skåd lid.

2 Korinther 9:2

For ik kän ju gud Wel, hurvoar ik ju lowe bi dânen üt Macedonien, dat nämelk Achaja voar en Jår wellig wessen hēd, en ju Iwer hēd Vulen wellig måket.

Efeser 4:26

Ud I wrēd, da forsendige ju ek, let di Sen ek aur ju Fortörning öndergung.

Efeser 5:11

En ha ek Geminskep me di ünfrügtbar Werken ön Junkens mar bestrafes vul jer.

Filipper 2:12

Diärom da, min Lewsten, alliküs I altid frai harket ha, ek alining, wan ik bi ju wiär, mar uk ön di Tid, wan ik van ju wiär, skaffe dat I selig ud me Fürgt en Sjilwin.

1 Thessaloniker 4:6

En dat Nemmen olternai kommen es, nog sin Brödher bedrait ön di Handel; for di Herr es di Wröger aur dit Alles, üs wü ju tövoaren said en betjügt hå.

1 Timotheus 5:20

Dânen, diär sik forsendige, stråfe voar al, omdat uk di üdern sik fürgt.

2 Timotheus 2:15

Beflitige di voar Gott üs jen di tö wisin, diär ön sin Arbed rogtskaffen es, en ek nödig hēd, sik tö skåmin, diär dit Urd van di Wårheid rogt dilet.

Titus 3:8

Dit es wes wår: Ik wel dat dü Sok standhaft lirst, omdat danen welk ön Gott glowig uden sen, me Iärnst en Iwer strewe gud Werken tö forrogten. Sok es gud en net foar di Mensken.

Hebräer 4:1

Diärom let üs wel üppasse, dat wü di Tölöwing, tö sin Ru intökommen, ek forsümme, en Nemmen van üs töregblewt.

Jakobus 3:17

Mar di Wisheid, diär van bowen djälkomt, es foartjest rin, diäreter fredsom, mild, let sik si, vol Barmhartigheid en gud Frügt, ünpartisk, sönder Falskheid.

1 Petrus 1:17

En wan I höm üs Våder önröp, diär sönder Önsen van di Person rigtet, eter ark sin Werk, da för ju Wandel, sa lung üs I hjir wandele, me Fürgt.

1 Petrus 2:2

En wis begjärelk eter dit fornünftig en swet Molk, üs di nigeboren Biärner, omdat I dör ditsallew tönem mai.

Judas 1:23

Mar Sommen me Fürgt selig måke, en rakes üt dit Jöld, en håte uk di Rok, welk van dit Flesk beplakket es.

Ipenbaring 3:19

Hokken ik lew ha, di strawe en tügt ik. Sa wis nü flitig en bekir di.