2 Korinther 5:20 - North Frisian New Testament (Clemens)

²⁰ Sa sen wü nü Bödskeppen ön Steid van Kristus, for Gott formånet dör üs, en nü bed wü on Steid van Kristus, let ju forsöne me Gott.

2 Korinther 5:20 ပူးပေါင်းရင်းမြစ်များ

Lukas 10:16

Di diär ju hjert, di hjert mi, en di diär ju foragtet, di foragtet mi. Mar di diär mi foragtet, di foragtet höm, diär mi stjürt heed.

Lukas 14:23

En di Herr said tö di Knegt: Gung üt üp di Lönđweien, en om bi di Koppeldikker, en nödige jam iin tö kommen, om dat min Hüs vol ud.

Johannes 20:21

Diär sprok Jesus weder tö jam: Frēd wiis me ju! Alliküs di Våder mi stjürt heed, sa stjür ik ju.

Römer 5:10

For wan wü me Gott forsönet sen dör sin Seens Doad, üs wü jit Finder wiär; vulmoar skel wü selig ud dör sin Lewent, wan wü nü me höm forsönet sen.

2 Korinther 12:10

Diärom sen ik gud tö Mud ön Swakheid, ön Smoaien, ön Noad, ön Forfölging, ön Benautheid om Kristus sin wel. For wan ik swak sen, da sen ik stârk.

2 Korinther 3:6

Diär üs dügtig måket hed, dit Amt van-t ni Testament tö betinin, ek me Bokstewer, mar me di Geist. For di Bokstewer doadige, mar di Geist måket lewendig.

2 Korinther 5:11

Wil wü da wēt, dat di Herr tö fürgten es, sjuk wü, di Mensken sagtis tö wennen; mar voar Gott sen wü ipenbar. Mar ik höpe, dat wü uk ön ju Geweten ipenbar sen.

2 Korinther 6:1

En wü, üs Mehelper, bed ju, dat I Gottes Gnad ek foriws fo mai.

Efeser 6:20

Huns Böd ik sen ön di Ketting, omdat ik diärön frimudig sprek en handele mai, üs-t sik gebört.

Kolosser 1:20

En dat hi Frēd måket dör dit Blöd ön sin Krüts, dör sik sallew, en alle Dinge dör höm forsönet wåd tö höm sallew, hat mai üp di Örd, of ön Hemmel wis.

1 Thessaloniker 4:8

Diärom, hokken dit foragtet, di foragtet ek Mensken, mar hi foragtet Gott, diär sin hellig Geist iwen hēd ön ju.