2 Korinther 5:17 - North Frisian New Testament (Clemens)

¹⁷ Diärom, wan er hokken ön Kristus es, da es hi en ni Skåpning, dit oald es forgingen, hat es Alles ni uden.

2 Korinther 5:17 ပူးပေါင်းရင်းမြစ်များ

Johannes 3:3

Jesus swåret en sprok tö höm: Wårelk, wårelk, ik si di: Hat mai da wiis, dat er hokken van Ni geboren ud, üders kjen hi Gottes Hemmelrik ek se.

Galalater 6:15

For ön Kristus Jesus gelt nogweder Beskiäring, of Voarhid wat, mar en ni Kreatur.

Römer 8:1

Sa es er nü nin Fordamnis ön danen, diär ön Kristus Jesus sen, diär ek eter dit Flēsk, mar eter di Geist wandele.

Efeser 2:10

For wü sen sin Werk, skåpen ön Kristus Jesus tö gud Werken, hurtö Gott üs tövoaren bereitet hed, omdat wü diärön wandele skuld.

1 Korinther 1:30

Van höm stamme I of on Kristus Jesus, diar us van Gott måket es tö Wisheid, en Geregtigheid, en tö Helligmaking, en tö Oflösing.

Johannes 15:5

Ik sen di Winstok, en I sen di Twiggen. Hokken ön mi blewt, en ik ön höm, di bringt vuul Frügt; for sönder mi kjen I nöndt dö.

2 Korinther 5:21

For hi hed di, diär van nin Send wust, for üs tö Send maket, omdat wü ön höm di Rogtfardigheid wåd, welk voar Gott gelt.

Römer 7:6

Mar nu sen wü van di Doad liset, en diärvan ofstürwen, wat üs bünden höld, sadat wü nu me en apnit Geist tine skel, en ek ön dit oald Wesen van di Bokstewer.

2 Korinther 5:16

Diärom kän wü van nü of ön Nemmen eter dit Flēsk, en wan wü uk Kristus känt ha eter dit Flesk, da kam wü höm dag nü ek moar sadelling.

Johannes 3:5

Jesus swåret: Forwår, forwår, ik si di: Hat mai da wiis, dat er hokken üt Weter en Geist geboren ud, üders kjen hi ek ön Gottes Hemmelrik iingung.

Efeser 2:15

Nämelk di Wet, welk ön Geboten stelt wiär; omdat hi üt tau en ni Mensk ön höm sallew skaffet, en Fred måket.

Galalater 3:28

Hjir es nogweder Jud, of Grik, hjir es nogweder Knegt, of fri Man, hjir es nogweder Man, of Wüf; for I sen altermal jen ön Kristus Jesus.

Johannes 15:2

En ark Twig ön mi, welk niin Frügt bringt, di nemt hi weg; en ark, welk Frügt bringt, di rensket hi, omdat hi moar Frügt bringt.

Johannes 17:23

Ik ön jam, en dü ön mi, omdat ja volkommen sen ön jen, en di Wârld weet, dat dü mi stjürt heest, en jam lew heest, alliküs dü mi lew heest.

Johannes 14:20

Üp disallew Dai skel I iinse, dat ik ön min Vader sen, en I ön mi, en ik ön ju.

Galalater 5:6

For ön Kristus Jesus gelt nogweder Beskiäring of Voarhid, mar di Glōw, diär dör di Lewde wirket.

Matthäus 12:33

Öntweder säät en gud Boom, da ud di Frügt gud, of säät en önstat Boom, da es di frügt nöndt sågs. For ön di Frügt käänt em di Boom.

Matthäus 24:35

Hemmel en Öord skel forgung, mar min Uurder skel ek forgung.

1 Korinther 13:11

Üs ik en Biären wiär, da sprok ik üs en Biären, en wiär klok üs en Biären, en hed Aurleg üs en Biären, mar diär ik en Man wåd, da leid ik dit Biärenaftige of.

2 Korinther 5:19

For Gott wiär ön Kristus, en forsönet di Warld me sik sallew, en rekent jam jar Send ek tö, en hed bi üs dit Urd van di Forsöning aprogt.

2 Korinther 12:2

Ik kän en Mensk ön Kristus voar vjurtein Jåren, (of hi ön sin Likhäm wiär, dit wet ik ek; of hed hi bütten sin Likhäm wessen, dit wēt ik uk ek — Gott wēt et). Hi wad henrukt bet ön di träd Hemmel.

Filipper 4:21

Gröt alle Helligen ön Kristus Jesus. Di Brödhern, diär bi mi sen, gröt ju.

Römer 16:7

Gröt Andronicus en Junias, min Frindjer, en min Megefangenen, welk üs Apostler berömt sen, en voar mi wessen hå ön Kristus.

Römer 16:11

Gröt min Frindj Herodion. Gröt jam üt Narcissus Hüs, diär ön di Herr sen.

Römer 16:3

Gröt di Priscilla en Aquila, min Helpers ön Kristus Jesus.

Römer 16:9

Gröt Urbanus, üs Helper ön Kristus, en min lew Stachis.

Römer 16:10

Gröt Apelles, diär prowet es ön Kristus, gröt danen üt Aristobulus Hüs.

Lukas 5:38

Man di ni Wiin mut em ön en ni Leddernsak dö, da ud-s biding wel behölden.