2 Korinther 5:14 - North Frisian New Testament (Clemens)

¹⁴ For di Lewde tö Kristus trängt üs tö dit Ordil, dat wan er jen foar alle stürwen es, da sen ja al stürwen.

2 Korinther 5:14 ပူးပေါင်းရင်းမြစ်များ

Matthäus 20:28

Alliküs di Menskenseen ek kjemmen es, dat hi sik betine let, mar dat hi betinet; jå, dat hi sin Lewent hendǟd, om Vulen loas tö måkin.

Lukas 15:24

For dös min Seen wiär doad, en es weder lewendig uden; hi wiär forlesen, en es weder fünđnen uden. En ja begent, früggelk tö wisen.

Lukas 15:32

Mar dü skudt blid en gud tö Mud wiis: for dös din Brödher wiär doad, en es weder lewendig uden; hi wiär forlesen, en es weder fünđnen uden.

Lukas 24:29

En jat nödigt höm en said: Bliiw bi unk, for hat indigt, en di Dai es dålet. En hi ging iin me jam, om bi jam tö bliwen.

Johannes 1:29

Üp di Üder Dai såg Johannes, dat Jesus tö höm kâm, en sprok: Se, dit es Gottes Lum, welk di Warlds Send drait.

Johannes 11:25

Jesus sprok tö hör: Ik sen di Âpstuning en dit Lewent. Hokken ön mi liiwt, di skel lewwe, al wan hi uk gelik sterwt.

Johannes 5:25

Forwår, forwår, ik si ju: Di Stünd komt, en es al nü, dat di Doaden di Stem van Gottes Seen hir skel; en danen, diär en hīr, skel lewwe.

Forhandlings 18:5

En üs Silas en Timotheüs van Macedonien önkjemmen wiär, wåd Paulus dör Gottes Geist iwrig; et tö betjügen voar di Juden van Jesus, dat hi de Christ es.

Römer 2:2

For wü wēt, dat Gottes Ordil rogt es aur danen, diär sa wat dö.

Römer 5:15

Mar hat forhalt sik ek me di Gåw, üs me de Send. For wān-er Vulen aur di Send van jen Mensk stürwen sen, da es Gottes Gnad jit vul moar rikkelk en Gnadejewt foar Vulen wessen, dör di Gnad van di jen Mensk Jesus Kristus.

Römer 6:13

Uk iw ju Leden ek hen tö Wappen foar di Send tö Ünge=regtigheid, mar iw ju sallew hen ön Gott alliküs dânen, diär van di Doad lewendig uden sen, en iw ju Leden hen ön Gott tö Wappen foar di Rogtfârdigheid.

Römer 6:6

Aurdat wü wēt, dat üs oald Mensk me höm krütsigt uden es, omdat di Send-Likhäm fornigtet ud, en omdat wü ek moar di Send tine.

1 Korinther 16:22

Wan er hokken di Herr Jesus Kristus ek lew hēd, skel forflökt wis! Di Herr komt!

1 Korinther 2:14

Di natürelk Mensk begrept nönt van Gottes Geist, hat es höm Tåbigheid, hi kjen dit ek fate, for hat mut geistelk forstönden wis.

2 Korinther 3:7

Mar wan dit Amt, wat dör di Bokstewer di Doad bringt, en üp di stinen Tafeln skrewwen es, Klårheid hed, sa dat Israels Biärner Moses Ansegt ek önlukke küd aur di Klårheid ön sin Ansegt, diär dag aphjert.

2 Korinther 3:9

For wan dit Amt, wat di Fordamnis forkindjigt, Klårheid hed, da hed dit Amt, wat di Rogtfardigheid forkindjigt aurflödig Klårheid.

Galalater 2:20

Ik lewwe, mar nü dag ik ek, mar Kristus lewwet ön mi. For wat ik nü lewwe ön-t Flesk, dit lewwe ik ön di Glow ön Gottes Seen, diär mi lew hed, en sik sallew foar mi heniwen hēd.

Efeser 6:24

Gnåd wis-er me ju al, welk lew hå üs Herr Jesus Kristus ünforgängelk! Amen.

Kolosser 2:13

En hed ju uk me höm lewendig måket, üs I doad wiär on ju Send, en ön di Voarhid van ju Flesk, en hi hēd üs alle Send foriwen.

Kolosser 3:3

For I sen stürwen en ju Lewent es forborgen me Kristus ön Gott.

1 Timotheus 2:6

Diär sik sallew foar alle heniwen hed tö Loaslising, omdat dit tö sin Tid forkindjigt ud.

1 Timotheus 5:6

Mar welk ön Wellest lewwet, di es lewendig doad.

Titus 3:3

For wü wiär uk tövoaren ünforständig, ünfölligsom, forwildjigt, di Lesten en Wellest heniwen, en wandelt ön Bosheid en Nidskheid, en håtet arküder.

Hebräer 2:9

Mar wü se Jesus dör di Doads Liden me Pris en Iär krönet, diär en kurt Tid mender wiär üs di Engel, omdat hi dör Gottes Gnad foar alle di Doad smakt.

Hebräer 6:10

For Gott es ek ünrogtfardig, dat hi ju Werken en Årbed ön di Lewde aurit skuld, welk I bewiset ha ön sin Nōm, üs I di Helligen tinet ha, en jit tine.

1 Petrus 1:8

Welk I ek sen ha, en höm dag lew ha, en nü ön höm liw, alhurwel I höm ek se, diäraur skel I ju frügge me en herrelk Frügged, welk ek üttöspreken es.

1 Johannes 5:19

Wü wēt, dat wü van Gott sen; en di hile Wârld lidt ön di Bosheid.