2 Korinther 4:2 - North Frisian New Testament (Clemens)

² Mar wü nem üs ön Agt voar hjemmelk Skand, en gung ek me Skalkheid om, forfälske uk ek Gotts-Urd, mar wü ipenbåre di Wårheid, en bewise üs âprogtig tögen dit Geweten van alle Mensken, voar Gott.

2 Korinther 4:2 ပူးပေါင်းရင်းမြစ်များ

Römer 1:16

For ik skamme mi ek voar dit Evangilje van Kristus, för hat es en Kraft van Gott, om al danen selig tö måkin, welk diärön liw, jest di Juden, en da uk di Griken.

Römer 6:21

Watfoar en Frügt hed I di Tid diärvan? Hurvoar I ju nü skamme; foar di Jend diärvan es di Doad.

1 Korinther 4:5

Diärom rigte ik ek voar di Tid, tödat di Herr komt, diär uk ön-t Lägt bring wel, wat ön Junkens forborgen es, en di Rēdslaggen ön di Harten ipenbåre; en da skel arkjen van Gott Low tö Dil ud.

2 Korinther 1:12

For üs Iär bestånt diäron, nämelk dit Tjügnis van üs Geweten, dat wü ön Jenfoaldigheid en Aprogtigheid voar Gott, ek ön Wisheid na dit Flēsk, mar ön Gottes Gnad üp Warld wandelt ha, en foar-t mist bi ju.

2 Korinther 11:3

Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.

2 Korinther 11:6

En wan ik uk slogt sen ön min Urder, da sen ik dag ek slogt ön di Känels. Dag sen ik bi ju allerwegen wel bekänt.

2 Korinther 2:17

For wü sen ek sokken, üs Sommen vul, diär Gotts-Urd forfälske, mar ön Aprogtigheid, en üt Gott, voar Gott, sprek wü ön Kristus.

2 Korinther 5:11

Wil wü da wēt, dat di Herr tö fürgten es, sjuk wü, di Mensken sagtis tö wennen; mar voar Gott sen wü ipenbar. Mar ik höpe, dat wü uk ön ju Geweten ipenbar sen.

2 Korinther 6:8

Dör Iär en Skemp, dör slim en gud Gerügten, üs di Forförers, en dag wårhaftig.

2 Korinther 7:14

For wat ik voar höm van ju rümet hå, diäraur ha ik ek nödig, mi tö skamin; mar, alliküs Alles wår es, wat ik tö ju said ha, sa es uk üs Rum bi Titus tö Wårheid uden.

Efeser 4:14

Omdat wü ek moar Biärner sen, en üs wäg en wåge let van ark Windj ön di Lirdom, dör di Skalkheid van di Mensken en Bedraieri, om üs me List tö forfören.

Efeser 5:12

For wat hjemmelk van jam ske, dit es uk skandelk tö sien.