2 Korinther 13:4 - North Frisian New Testament (Clemens)

⁴ En alhurwel hi krütsigt es ön di Swakheid, da lewwet hi dag ön Gottes Kraft. En wan wü uk swak sen ön höm, da lewwe wü dag me höm dör Gottes Kraft ön ju.

2 Korinther 13:4 ပူးပေါင်းရင်းမြစ်များ

Johannes 10:18

Nemmen nemt et van mi, mar ik let et van mi sallew. Ik ha Magt et tö letten, en ha Magt, et weder tö nemmen. Dit Gebot ha ik van min Våder fingen.

Forhandlings 2:36

Sa wēt nü dit hile Hüs Israel et wes, dat Gott dös Jesus, welk I krütsigt hå, tö en Herr en Christ måket hēd.

Forhandlings 3:16

En dör di Glōw ön sin Nōm hēd hi ön dös, welk I se en kǟn, et voar vol bestädigt ön sin Nōm, en di Glow, dat dör höm, hēd höm di Sündheid iwen voar ju ein Ogen.

Römer 1:4

Dat Jesus Gottes Sen es, dit hed di hellig Geist bekraftigt, en bewiset et, hi måket üs hellig, sönt hi âpstönden es van Doaden, nämelk üs Herr Jesus Kristus.

Römer 14:9

Diärom es Kristus uk stürwen, en âpstönden, en weder lewendig uden, omdat hi aur di Doaden en Lewendigen Herr es.

Römer 6:4

Diärom sen wü me höm begrewen uden dör di Döp ön di Doad, omdat alliküs dör sin Våders Herligheid apwäkt uden es van Doaden, sa skel wü uk ön en ni Lewent wandele.

1 Korinther 1:25

For Gottes Döwigheid es wisser üs di Mensken sen; en Gottes Swakheid es starker üs di Mensken sen.

1 Korinther 15:43

Hat ud ütsän ön Üniär, en hat skel apstun ön Herrelkheid. Hat ud ütsän ön Swakheid, en skel apstun ön Kraft.

1 Korinther 2:3

En ik wiär bi ju ön Swakheid, en ön Fürgt en me vul Sjilwin.

1 Korinther 6:14

Mar Gott hed di Herr âpwäkt; en wel uk üs apwäk dör sin Kraft.

2 Korinther 10:10

For di Brewer (si ja) sen swår en stark; mar di Likhäm tö dös Tid es swak, en di Rede es kraftloas.

2 Korinther 12:10

Diärom sen ik gud tö Mud ön Swakheid, ön Smoaien, ön Noad, ön Forfölging, ön Benautheid om Kristus sin wel. For wan ik swak sen, da sen ik stârk.

2 Korinther 13:9

Mar wü frügge üs, wan wü swak sen, en I stark sen. En dit sallew wenske ik uk, nämelk ju Voarskelkeid.

Filipper 3:10

Omdat ik höm kän en di Kraft van sin Apstunen, en di Geminskep me sin Liden, omdat ik sin Doad lik ud.

Hebräer 5:7

En hi hed ön di Dågen van sin Flesk, Bödig en Fleen me gurtem Klagin en Skroalin voar di brågt, diär höm van di Doad reddige küd, en Gott hed uk diäreter hjert ön sin Ungst, wil hi höm ön Iären höld, en sik ön Gott aurjåw.

1 Petrus 3:18

For uk Kristus hed jenmal foar üs Send ledden, di Rogtfardig foar di Ünrogtfardigen, omdat hi üs henfört tö Gott; en hēd di Doad ledden eter dit Flēsk, mar es lewendig måket eter di Geist.

1 Petrus 3:22

Welk eter, dat hi apfären es ön Hemmel, bi Gott es tö sin rogt Hund, en höm sen önderdån di Engel, en di Gewaltigen, en di Kraften.