2 Korinther 11:3 - North Frisian New Testament (Clemens)

³ Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.

2 Korinther 11:3 ပူးပေါင်းရင်းမြစ်များ

Matthäus 24:24

For diär wel falsk Christi en falsk Profeten âpstun, en gurt Teken en Wunder dö, om uk di Ütkuarten, want mögelk wiär, ön di Dwåling to forleiten.

Johannes 8:44

I sen van di Vader di Düwel, en eter ju Våders Lest wel I dö. Disallew es en Mūrdiger van jest Begen of ön, en hi heed ek ön di Wårheid bestönden, for di Wårheid es ek ön höm. Wan hi Lögen sprakt, da sprakt hi van sin Ein; for hi es en Lögner, en di Vader van di Lögen.

Römer 12:8

Wan er hokken formånet, da mut hi dit Formånin wårnem. Wan er hokken jewt, da iw hi me Redelkheid. Wan er hokken regiret, da mut hi Omsorrig hå. Wan er hokken Barmhartigheid öwet, da dö hi dit me Lest.

2 Korinther 1:12

For üs Iär bestånt diäron, nämelk dit Tjügnis van üs Geweten, dat wü ön Jenfoaldigheid en Aprogtigheid voar Gott, ek ön Wisheid na dit Flēsk, mar ön Gottes Gnad üp Warld wandelt ha, en foar-t mist bi ju.

2 Korinther 11:20

I fordrai dit, wan er ju hokken tö Knegter måket, wan er ju hokken ofskennet, wan er ju hokken wat wegnemt, wan er hokken sik aur ju hewt, wan er ju hokken ön-t Gesigt slaid.

2 Korinther 11:29

Hokken es swak, en ik sen ek swak? Hokken ud argert, en brent et da ek ön mi?

2 Korinther 2:17

For wü sen ek sokken, üs Sommen vul, diär Gotts-Urd forfälske, mar ön Aprogtigheid, en üt Gott, voar Gott, sprek wü ön Kristus.

2 Korinther 4:2

Mar wü nem üs ön Agt voar hjemmelk Skand, en gung ek me Skalkheid om, forfälske uk ek Gotts-Urd, mar wü ipenbåre di Wårheid, en bewise üs âprogtig tögen dit Geweten van alle Mensken, voar Gott.

Galalater 1:6

Hat wundert mi, dat I ju sa gau hå ofwänd letten van di, diär ju beröpen hed ön di Gnad van Kristus, tö en Üder Evangilje.

Galalater 2:4

For wil hok falsk Brödhem, welk sik insleken hed, inmekjemmen wiär, om üs Friheid üttöspörin, welk wü ön Kristus Jesus hå, omdat ja üs ön Gefangenskep sät küd.

Galalater 3:1

O I ünforständig Galater! Hokken hed ju betrålet, dat I di Wårheid ek harke? Jesus Kristus wiär ju voar Ogen stelt, en nü ud hi mung ju krütsigt.

Galalater 4:11

Ik fürgte foar ju, dat ik meskin foriws ön ju arbed hå.

Efeser 4:14

Omdat wü ek moar Biärner sen, en üs wäg en wåge let van ark Windj ön di Lirdom, dör di Skalkheid van di Mensken en Bedraieri, om üs me List tö forfören.

Efeser 4:22

Sa skel I nü ofli di oald Mensk eter di foârige Wandel, diär dör Begiärelkheid ön Dwåling fordârewt.

Efeser 6:24

Gnåd wis-er me ju al, welk lew hå üs Herr Jesus Kristus ünforgängelk! Amen.

Kolosser 2:18

Let ju van Nemmen dit Bop forskåke, diär eter sin ein Wal ön Nedrigheid en Geistelkheid üs di Engeler ombi geid, hurvan hi older wat sen hed, en es sönder Oarsåk foriws âpblögen ön sin fleskelk Sen.

Kolosser 2:4

Mar ik si diärvan, dat ju Nemmen bedrait me listig Beredin.

Kolosser 2:8

Se tö, dat Nemmen ju forfört dör di Wârldswisheid en loasket Bedraien eter di Lir van Mensken, en eter di Wârlds Fastsäting, en ek na Kristus.

1 Thessaloniker 3:5

Diärom ha ik dit uk ek länger üthoald küd, en ha höm stjürt, omdat ik tö weten fing, hur-t me ju Glow stånt; of dat di Forsjukker ju meskin forsagt hēd, en üs Årbed foriws wiär.

1 Timotheus 1:3

Alliküs ik di böden hå, dat dü ön Efesus bliw skudt, üs ik na Macedonien reiset, sa formåne ik di jit, Sommen tö befelin, dat ja nin främed Lirdom voardrai skuld.

1 Timotheus 2:14

En Adam wad ek forfört, mar di Wüf wåd forfört, en hed bütten di Wei handelt.

2 Timotheus 3:13

Me di gottloas Mensken en Forförers ūdt jå lǟnger, ja ariger, ja forför, en ud forfört.

Titus 1:10

For diär sen vul freg en rökloas Krakelers en Forförers, senderlik dânen van di Beskjäring.

Hebräer 13:9

Let ju ek me manningerlei en främed Lir ombidriw. For hat es gud, dat dit Hart stark ud dör di Gnad, ek dör di Spisen, hurvan dânen nin Net hå, welk sik diärön hoald.

2 Petrus 3:17

Mar I, min Lewsten! wil I dit nü tövoaren wēt, da nem ju ön Agt, dat I ek dör Forirring ön di rokloas Lid, me samt jam forfört ud, en ju ein Fastigheid forles.

2 Petrus 3:3

En wēt dit foar-t jest, dat ön di lēst Dagen Spotters kom skel, diär eter jår ein Lesten wandele.

1 Johannes 2:18

Biärner! Hat es di lēst Stünd, en üs I hjert ha, dat di Tögenkrist komt, sa sen er nü vul Tögenkristen uden; diäraur wēt wü, dat et di lēst Stünd es.

1 Johannes 4:1

I Lewsten! liw ek ark Geist, mar prowe di Geister, ofs van Gott sen; for diär sen vul falsk Profeten ütgingen ön di Warld.

Judas 1:4

For diär sen som Mensken diärbi insleken, van danen voar lung Tid skrewwen es, tö sa en Straf, dit sen gottloas Lid, ja wel Gottes Gnåd mesbrük tö Aurdådigheid, en forlögne Gott, di iningst Hersker, en üs Herr Jesus Kristus.

Ipenbaring 12:15

En di Slang skoat eter di Wüf, üt sin Müd, en Weter üs en Strom, om hör me di Strom wegtöspölen.

Ipenbaring 12:9

En di gurt Dråk wåd ütsmetten, nämelk di oald Slang, welk nämt ud di Düwel, en Satanas, diär di hile Warld forfört, en hi wåd smetten üp di Örd, en sin Engeler wåd uk diärhen smetten.

Ipenbaring 20:2

En hi grep di Dråk, di oald Slang, welk di Düwel es, en di Satan, en boand höm düsend Jår.